Máis dun cento de apoios ao Manifesto en contra da Mina de Corcoesto
Máis dun cento de persoas vinculadas ao mundo da cultura, da universidade e outros colectivos sociais asinan o Manifesto de rexeitamento á mina de ouro de Corcoesto que vén de facer público a Plataforma pola Defensa de Corcoesto. I é que a loita contra a mina non para, e se a pasada semana coñeciamos á veciña Plataforma en Defensa de Cabana de Bergantiños, hoxe quedamos en Corcoesto para coñecer o sentir do seu manifesto.
Un manifesto que sinala que "a mina de ouro de Corcoesto constitúe un espolio dos recursos de Galicia que vai a ser perpetrado por unha empresa privada canadense co apoio explícito da Xunta de Galicia e das autoridades locais, que se alían abertamente coa empresa para presentaren o proxecto como estratéxico para Galicia, renunciando así ao seu papel garantista e regulador e traizoando aos seus administrados".
Un manifesto que tamén incide en que "unha actividade económica coma a minaría de ouro, que emprega o cianuro como tecnoloxía altamente contaminante para a extracción, que destrúe os montes e fragas e contamina as augas, que beneficia a uns poucos en prexuízo da maioría".
Un manifesto que critica as expectativas de emprego xeradas e que piden á Xunta que non autorice o proxecto mineiro de Corcoesto.
Xa poden ler no blog da Plataforma, o Manifesto da Plataforma pola Defensa de Corcoesto, que comeza dun xeito moi simbólico: "Un fantasma percorre as terras de Pondal, os vales de Bergantiños, as revoltas do Anllóns, o Monte Branco, Dombate... Ese fantasma ten alento de cianuro..."
Poden ollar tamén a listaxe de entidades e personalidades que apoian o Manifesto, entre as que xa están xentes da zona como Miguel Mato, Miro Villar, Paco Souto, X. H. Rivadulla Corcón, Juan Creus... e que esperemos se vaian adherindo moitos máis.
Máis información
- nonaminadecorcoesto.blogspot.com.es.
- Grupo de Facebook: Corcoesto: non todo é brillo no ouro. Plataforma pola defensa de Corcoesto.
Novas relacionadas
- A bitácora da semana (CLXXXIV): Salvemos Cabana.
- Veciños de Corcoesto trasladan á Xunta o seu malestar ante o perigo da mina.
- A loita por Corcoesto amplíase ao eido arqueolóxico.
- A Fiscalía xa investiga a mina de Corcoesto por un presunto delito contra o medio ambiente.
- A mina de ouro: unha mostra de resistencia organizada.
- A loita contra a mina de Corcoesto colle tintes poéticos.
- Xurxo Borrazás tamén di non á Mina de Corcoesto.
- O BNG pide que a mina de Corcoesto non sexa a ceo aberto.
- Ata Galeano denuncia que a Mina de Corcoesto non cumpre a lei.
- O Goberno argumenta no Parlamento que a mina de Corcoesto creará 500 postos de traballo.
- ADEGA considera obsoleta a tecnoloxía da Mina de Ouro de Corcoesto.
- A febre do ouro exténdese a Zas mentres denuncian irregularidades no proxecto de Corcoesto.
- Os fumigadores si andan pola Costa.
- 1.300 sinaturas presentadas contra a Mina de Ouro de Corcoesto.
- A mina de Corcoesto chega ao Parlamento.
- Os veciños da Plataforma de Corcoesto denuncia prácticas intimidatorias do alcalde cabanés.
- Denuncian as falsas expectativas de emprego da mina de ouro de Corcoesto.
- A mentira das palabras máxicas .
- 04-05-12: Creada unha Plataforma contra a Mina de Ouro de Corcoesto.
- 12-03-12: Accidente laboral na mina de ouro Corcoesto.
- ADEGA espera para valorar o impacto da Mina de ouro de Corcoesto e enfróntase con La Voz.
- A mina de ouro de Corcoesto axiliza a súa posta en marcha co apoio das administracións e oposición dos ecoloxistas.
- O ouro de Corcoesto non brilla tanto.
Fonte
- Nota de prensa da Plataforma pola Defensa de Corcoesto.