Aberto o penúltimo treito da estrada Laxe-Ponte do Porto

Camariñas Laxe Costa da Morte estrada castro ponte do porto

Aberto o penúltimo treito da estrada Laxe-Ponte do Porto

09:12 11/07/12

Tan só resta por rematar un tramo de 300 metros da estrada Laxe-Ponte do Porto AC-433. Precisamente, os metros que agochan o castro tapado de Laxe e que seguen en execución para, segundo sinala a propia Xunta, "a súa conservación".

A Xunta recibía aos afectados polas obras na AC-433 só< a href="http://antigo.quepasanacosta.gal/content/view/2988/26/">4 anos despois da licitación das obras. Pero en todo caso, hoxe a nova é positiva.

Asi, os 3.000 vehículos que circulan ao día por esta estrada poderán facelo, a partir das 14:00h deste mércores 11 de xullo de 2012, case sen problema.

O treito aberto é comprendido entre os puntos quilométricos 10+400 e 12+600, que son os dous quilómetros que dan acceso ao Concello de Laxe. A velocidade neste vial fíxase nos 60 km/hora.

Tan só resta, como dicimos, por abrir un tramo de 300 metros no contorno do PK 10+400, por mor das restricións patrimoniais que afectan a un castro. Cómpre sinalar que a afección resultou ser maior da prevista no proxecto ao atoparse unha entrada ao castro, que non estaba inventariada, feito que motiva a tramitación dunha modificación de trazado para minimizar as afeccións.