Camariñas tamén coordina a limpeza de granulados
11 de xaneiro de 2024 (10:04 h.)
A Asociación Mar de Fábula, en colaboración co Concello de Camariñas, fai un chamamento á veciñanza para participar nunha limpeza de granulados (os devanditos “pellets” de plástico) e de lixo mariño para este sábado 13 de xaneiro
A quedada será ás 11:00h na lonxa vella de Camariñas. Mar de Fábula levará o material necesario para a limpeza, pero todo o que leve a xente será ben acaído.
Compre anotarse, antes das 12.00h do vindeiro venres, 12 de xaneiro, con nome, apelidos e DNI, no correo electrónico: info@mardefabula.gal.