Esta pasada semana, do mesmo xeito que acontecera hai dúas semanas no porto de Corme, o Servizo Marítimo Provincial da Garda Civil da Coruña incautou tres exemplares de peixe espada no Porto de Camariñas.

A unidade veu directamente aos membros dun buque de arrastre descargando as capturas dnun camión. A Benemérita observou como introducían tres exemplares de peixe espada ao vehículo, ocultándoos posteriormente cuns sacos baleiros. De seguido procedeu á á inspección da embarcación e do vehículo, constatando a presenza no camión de tres pezas de peixe espada ocultas, sen eviscerar e coa espada cortada, non figurando a súa captura no diario electrónico de pesca (DEA), carecendo o pesqueiro de licenza para pescar esta especie, e estando obrigados a descartala e devolvela ao mar, unha obrigación que lamenta boa parte da pesca artesanal costeira.

Así ían agochados na furgoneta

A Benemérita ordenou o desembarque dos tres exemplares e o seu traslado ás dependencias da lonxa do referido porto para a súa pesada, arroxando un total de 311,5 kilogramos.

Despois de proceder coa pertinente acta-denuncia, as capturas foron entregadas no Banco de Alimentos.

Novas relacionadas

• Outubro 19: Incautados no Porto de Corme un peixe espada, un atún vermello e un atún patudo.
• Agosto 19: Incautan numerosas especies ilegais procedentes do porto de Malpica.
• Agosto 19: Requisan 122 kilogramos de pulpo que non pasaron pola lonxa de Fisterra.
• Xullo 19: Decomisan 181 kilos de cigala capturada ilegalmente por un barco portugués en augas de Fisterra.
• Xuño 19: A Garda Civil incautou 4.039 kilogramos de sardiña no porto de Camariñas por exceso de capturas.
• Maio 19: A Garda Civil comisa 2.000 quilos de sardiña malpicá sen garantías de trazabilidade.