Poucas veces o Fútbol da Costa é unha cousa tan internacional. Temos estado en NY co tiqui-taca costeiro, é certo, e en breve seguro que co Album de cromos o fútbol costeiro traspasa fronteiras. Pero o que está a facer a afección do SD Camelle coas súas bufandas é digno de reportaxe.

#Sedadaboa (como o hastag que utilizan os siareiros camelláns) é o que lle están dando esta volcada afección ao seu equipo. Ademais de encher cada 15 días o Rodeiro, non paran de acompañar ao equipo por toda a bisbarra.

E é máis que normal, se están afeitos a levar o Camelle, ademais de no corazón, na maleta en forma de bufanda cando van de viaxe, ou emigrados. Brasil, Francia, Inglaterra, México, Finlandia, Suiza... ata o Vaticano ten chegado a bufanda viaxeira!

Así podemos ver os bufandeiros viaxeiros do Camelle por todo o mundo. Máis de 25 fotos puidemos atopar no Facebook de Camelle, e de seguro que serán moitas máis as que vaian achegando co tempo.

Aquí recollemos unha captura e os nomes dos protagonistas, que se merecen unha boa mención:

• Adrián Pérez Rodríguez en Salvador de Bahía (Brasil) e no Bernabeu.
• Adriana Carracedo Tajes en Fuerteventura.
• Adriana en Pagi en París.
• No parke natural de Stonehenge (Inglaterra).
• Carlos de Dido dende o Cebreiro.
• David Suarez na Ponte Colgante de Vizcaia.
• David Vázquez en Valencia.
• Inés e a Tamara na Volta a España 2013.
• Julio Romero e a súa familia levan a S.D. Camelle ata EuroDisney.
• Kevin Leis en Tower Bridge (London).
• Macarena Canosa Marcote en Lucerna-Suiza e en Verona-Italia.
• Maite Tedín con Veronica, duas de Camelle de Arriba na sede da FIFA en Zurich, Suiza.
• Maria Mouzo en Chichén Itza - México.
• Mario na porta do Guggenheim.
• Mario Vázquez Méndez coa illa de Ons ó fondo.
• Miguel Riveiro en Ibiza.
• Os nosos siareiros seguen a viaxar desta vez as Rias Baixas.
• Rafael Tedín Álvarez en Finlandia.
• Raúl e Pilar dende a Vila Termal Lobios, Ourense.
• René e Kevin no estadio de Wembley (London).
• Rosa e o seu fillo Iago en Combarro.
• Suso Carracedo Tajes e Se Luis Camelle en Santa Cruz de Tenerife.
• Tania Marcote Barreiro, Diego Suárez Cives, Rosi e Damián na plaza de San Pedro, Vaticano.

Artigos relacionados

• O tiqui-taca costeiro triunfa en NY.
• A Pipa de Corredoira: Cursos de adestrador para o Fútbol da Costa.
• #Regateegol: Vídeoentrevista de Anxo Garrido con Dieguito.
• Entrevista de David Castro con Manu Saleta: “Temos equipo de sobra para ascender”.

Fonte

• Redacción de QPC (info@quepasanacosta.gal).