Tras o relevo xeneracional do Comité de Irmandamento de Carballo con L'Isle Jourdain chega unha das actividades máis importantes da organización: o intercambio. Así, esta madrugada un total de 47 persoas, das cales o 80% son mozos e mozas, partiron nun autobús de autocares Cancela dende a praza do concello de Carballo para pasar un días na vila francesa. Belén Lendoiro - teniente alcalde e concelleira de Facenda - e Mar Eirís - concelleira de Educación e Festas - acompañan ao grupo en calidade de representantes institucionais do concello de Carballo. Durante a súa estancia en L'Isle Jourdain, os carballeses visitarán os lugares máis emblemáticos da zona e participarán en diferentes actividades propias da vila francesa.

Novas relacionadas

• Relevo xeracional no Comité de Irmandamento de Carballo con L´Isle Jourdain
• O III Festival de Variétés encheu de maxia e espectáculo o Pazo da Cultura de Carballo.
• Carballo mantén vivo o seu irmandamento francés tras 21 anos.

Fonte

• Redacción QPC ([email protected])
• Carballo