Esta mañá de martes 25 de marzo tivo lugar en Carballo a XVII Feira de Emprego Talento Xoven da Cámara de Comercio da Coruña, na que participaron uns 150 mozos e mozas e 26 empresas que sumaban máis de 125 procesos de selección abertos.
 
No acto de inauguración participaron o alcalde de Carballo, Evencio Ferrero, e o vocal e membro do Comité Executivo da Cámara de Comercio, Diego Vázquez.
 
Diego Vázquez resaltou que “a construción e tódolos sectores en xeral demandan mozos e mozas. É importante ter en conta que nos próximos anos se van xubilar 10.000 persoas, e o relevo xeracional é fundamental. Por iso, os empresarios temos moi en conta as necesidades da mocidade, que é o que realmente buscan”.
 
Pola súa parte, Evencio Ferrero detacou a importancia do esforzo e do espírito de superación de cara a afrontar o futuro laboral “para poder estar sempre orgullosos e orgullosas do traballo escollido”.