O xurado do II certame de microteatro Metro Cadrado, que promove a Asociación Cultural Telón e Aparte, entidade organizadora do Festival Internacional Outono de Teatro - FIOT -, veñen de escoller as obras gañadores desta segunda edición e que son as seguintes:

• "A Historia das Flores", presentada por Tukumpas Teatro, representada por Rubén Porto e Davide González.
• "As vacacións máis longas", presentada por Diego M. Buceta, representada por Diego M. Buceta.
• "Mi bici", presentada por Cia N+1 (Teatro Circo Danza), representada por Alfredo Pérez Muíño (Fredi).
• "A bonequiña", presentada por Moito Morro Teatro, representada por Borja Calvar e Antía Costas.
• "Pan", presentada por Helena Salgueiro, representada por Helena Salgueiro.
• "Antes que nada", presentada por Faunos, representada por Rolando Sánche Selas e Fernanda Barrio Barcala.

A maiores, e segundo se recollía nas bases, o xurado seleccionou as seguintes propostas dramaturxicas como suplentes, que de existir vacantes entre os gañadores que non puidesen representar a súa obra nas datas sinaladas, convidaranse tendo en conta a peza máis axeitada para os espazos dispoñibles:

• "Proxecto Pank", presentada por Funboa Escénica, representada por Manuel Parra e Cristina Balboa.
• "Alicia morreu de sobredose", presentada por Noelia Toledano, representada por Noelia Toledano.

O Certame de Microteatro Metro Cadrado é un concurso para proxectos escénicos de pequeno formato concibidos para poñer en escena en espazos non teatrais e que ten por obxecto apoiar a creación escénica de novos formatos e a compañías e creadoras/es emerxentes, así como captar novos públicos e implicar aos espectadores e á cidadanía nas artes escénicas. Nesta segunda edición, presentáronse un total de 25 obras, entre as cales o xurado fixo unha selección atendendo á finalidade do Certame Metro Cadrado e ás características da obra e o formato indicados nas Bases 1ª e 3ª, despois das oportunas deliberacións, priorizando as obras de nova creación e estrea e, en especial, a adecuación das mesmas aos espazos ofertados, así como a autoría propia. Así mesmo, procurouse o equilibro entre diversas linguaxes e disciplinas, e a diversidade de públicos destinatarios. Por último, tívose en conta a presenza de participantes de carácter profesional e non-profesional. FIOT 2018 As obras seleccionadas polo xurado serán representadas entre o 12 e o 28 de outubro no marco do FIOT. Unha vez representadas, recibirán un premio valorado en 300€ e recibirán unha axuda de 100€ para gastos de desprazamento e de produción da obra. Ademais, todas as obras exhibidas serán valoradas polo público asistente mediante un sistema de votacións e optarán ao premio do público (150€) e ao premio á mellor interpretación (150€). O xurado estivo deste II Certame estivo composto por Emi Candal Bouzas (xestora de Urdime Sociedade Coopertativa Galega), Xesús Ron “Xron” (director do Grupo Chévere), Alba Bermúdez Iglesias (actriz), Ma del Carmen Castro Pombo (membro da organización do FIOT e xefa do Servizo de Cultura do Concello de Carballo) e Melina M. Regueira Varela (membro da organización do FIOT e traballadora da Asociación Cultural Telón e Aparte, en calidade de secretaria sen voto).

Novas do FIOT

• FIOT 2017: As Cifras do FIOT: 10.200 persoas, un 90% de ocupación e a necesidade dun novo equipamento
• FIOT 2017: O FIOT baixa o telón coa estrea absoluta de “Fillos do Sol”:
• FIOT 2017: Carballo needs FIOT
• FIOT 2017: O FIOT outorga a Mónica Camaño o Xograr de Outono 2017.
• FIOT 2016: Lira xa ten o seu Xograr de Outono
• FIOT 2015: As cifras do FIOT: 10.000 espectadores, 99 actividades, 14 estreas para un 8 sobre 10.
• FIOT 2015: O FIOT entregou o Xograr de Outono a Susana Dans.

Fonte

• Redacción QPC ([email protected])
• Concello de Carballo