Buserana fará entrega dos Premios Literarios do 25N na concentración habitual
24 de novembro de 2025 (16:34 h.)
Non pode faltar cada 25 de novembro, Día Internacional contra a Violencia de Xénero, a concentración promovida pola Organización Feminista Buserana. Unha entidade, que ademais da loita e da reivindicación, quere aproveitar a data para fomentar a creatividade. E nesa liña aproveita a data para convocar o Certame de Microrrelatos.
Así, a concentración deste martes 25 de novembro ás 20:00h na Praza 8 de Marzo de Cee, servirá tamén para anunciar os relatos gañadores do certame, realizar a súa lectura e facer a entrega dos agasallos.