20 anos non se cumpren todos os días e a radio municipal de Corcubión cumpriraos este curso. I é que a radio municipal de Corcubión ten aínda moito que dicir. Houbo tempos mellores, de seguro, pero o equipo de colaboradores da radiONeria está traballando para achegar as ondas a veciñanza non só de Corcubión, se non de toda a Costa da Morte. A radiONeria está a iniciar nestas datas unha nova tempada radiofónica, un periodo no que se cumprirán dúas décadas dende a súa primeira emisión. A parrilla de emisión complétase con programación da Radio Roncudo de Corme, emisora irmandada que serve para unir a Costa da Morte a través das ondas. A programación é variada. Moita música (artellada por bloques e sen interrupcións publicitarias e con programas de toda clase), actualidade no Boletín diario e no Ronsel semanal, poesía... e moito máis.

A través da rede

Pero unha das notas máis interensantes que presenta a emisora é que se pode escoitar pola rede. A través do seu blog radioneria.blogspot.com podedes tanto escoitar a emisora en directo, como descargar todos os programas para escoitalos á hora que prefirades. Ademais, a través do Facebook da radiONeria podedes seguir os boletín e moitos contidos máis. Estes son os contidos da radiONeria nesta nova tempada: a 2010 – 2011.

Programas de Actualidade

Boletíns de novas

Cada mañá dende as 08:30h a emisora é a primeira en abrir o relato informativo na Costa da Morte. E faino a través dos boletíns de novas da man de Quepasancosta.com. Dirixen este tempo de novas Ubaldo Cerqueiro e Óscar Rey, coa axuda puntual de Iván Pereira.

• Horario de emisión: de luns a venres ás 08:30h, 09:00h, 09:30h, 10:00h, 15:00h e 19:00h.

O Ronsel

Van xa seis anos dende que Óscar Rey comezaba a guiar á Costa da Morte a través do seu Ronsel, dende a Radio Roncudo de Corme. Información, reflexión, análise, opinión e entrevistas dan forma a dúas horas de radio que cada semana nos poñen ao tanto de todo canto acontece arredor de nós, agora tamén con Fran Lago.

• Horario de emisión: os xoves ás 22:00h (en directo) e os sábados ás 12:00h (en diferido).

Programas Culturais

Realidade e Soños

Manuel Oliveira Gómez “Manolín” presenta o programa decano da radio na Costa da Morte. Tres son as súas paixóns: o fútbol, a poesía e a zarzuela. Nós quedámonos con dúas delas. “As poesías de Realidade e Soños reflicten o que eu sinto cada semana". De cando en vez podemos disfrutar das súas propias creacións, pero Manolín tamén adoita deleitarnos coas obras de Celso Emilio Ferreiro, Eduardo Blanco Amor, Miguel Hernández, Federico García Lorca ou Antonio Machado, entre outros moitos.

• Horario de emisión: os mércores ás 23:00h e os venres ás 14:30h.

Zarzuela

Como vimos de ver Manolín tamén ten outro espazo radiofónico para outra das súas paixóns: a Zarzuela. A nova temporada comezará proximamente.

• Horario de emisión: os domingos ás 11:00h e os mércores ás 14:00h.

Escrita

O poeta cormelán Paco Souto presenta un espazo no que pretende facernos soñar e vivir a literatura. Poemas, contos, lecturas, entrevistas, actualidade e vivencias compoñen este tempo de radio para a noite dos martes.

• Horario de emisión: os martes ás 23:00h e os xoves ás 14:00h.

Programas Divulgativos

Cienciaes

O achegamento ao eido científico vén da man de Cienciaes. Trátase dun programa semanal de divulgación científica que pretende cumprir o obxectivo de que os oíntes sexan quen de maravillarse ante o mundo científico.

• Horario de emisión: os venres de 14:00h a 14:30h

Ecoloxía

Belén Rodríguez conciéncianos cada día de que os recursos naturais son escasos e hai que coidar deles de cara a un desenvolvemento medioambiental, económico e social.

• Horario de emisión: de luns a venres ás 12:00h.

Programas de Variedades

La hora del Comején

Juanito Comején presenta un tempo de radio no que nunca deixa títere con cabeza. Personaxes de eidos tan dispares como a política, a igrexa, a sociedade, ou a cultura poden ser obxecto de crítica nun espazo que non deixará indiferente a ninguén.

• Horario de emisión: na medianoite (00:00h) do sábado ao domingo.

Programas musicais

Super Freak Night Show

Nas noites dos venres un par de sinverjuensas chamados Jaky Dj e Dj Alan ofrécennos unha selección musical (xeralmente baseada nun único grupo ou nun determinado xénero) coa compaña dos comentarios máis contrastados e amenizado con grandes doses de humor. Grandes cancións e grandes sorrisos para rematar a semana. A nova temporada comezará proximamente.

• Horario de emisión: Os venres ás 22:00h e os luns ás 00:00h.

Foliada

A cita semanal coas músicas que se fan neste recuncho da terra. Dende grupos da Costa como os fisterráns A Crus de Baixar ata outros consolidados no noso país como A Roda, todos teñen cabida neste espazo. O seu presentador, Paco Mosqueira, o define así: “O melloriño da música tradicional galega”.

• Horario de emisión: Os luns ás 23:00h e os mércores ás 20:00h.

O fantasma accidental

Os sons máis escuros do panorama musical nolos trae Jose Lemur, un amante da música “concreta e industrial”. Papeis como os de Dj e crítico musical en diversas publicacións, fan de Lemur e o seu programa unha interesante proposta para os nosos oídos.

• Horario de emisión: Os mércores ás 21:00h e os luns ás 14:00h.

No Intro

Os dous benxamíns da radiONeria, Saulo Fernández e Marta Cespón, presentan un dos programas máis veteranos da emisora, con xa cinco tempadas ás súas costas. A lista dos éxitos músicais do momento, unha ollada á actualidade é ao mundo da televisión, cotilleos, e recomendacións cinematográficas, compoñen esta oferta da radiONeria para as mañás dos domingos.

• Horario de emisión: Os domingos ás 12:00h e os martes ás 20:00h.

Fórmula Neria

Iván Pereira presenta nas tardes dos sábados un dos programas máis seguidos da radiONeria. A mocidade da Costa xa pode desfrutar do pop, o dance e a música latina máis actual. Todo elo coas tuas peticións e adicatorias musicais a través das habituais vías de participación.

• Horario de emisión: Os sábados ás 17:00h e os xoves ás 20:00h.

Neria Weekend

A única alternativa ao deporte na radio durante a fin de semana vén da man de Fran Lago. Cento vinte minutos cada semana para mergullarnos coas mellores cancións de todos os tempos, dende os anos 70 ata a actualidade. E todo elo acompañado de diversos comentarios de actualidade con especial atención ás novas máis curiosas dos últimos días.

• Horario de emisión: Os sábados e os luns ás 20:00h.

Intente dedicar su disco

Juanito Comején abre o teléfono para as túas adicatorias. Comején advirte: “abstéñanse horteras pero boa música témola toda”. Para tentalo, basta con marcar o 981738025.

• Horario de emisión: Os martes e os domingos ás 22:00h.

Aires Celtas

Un programa para os amantes da música celta. Cada semana son moitos os músicos que pasan polo programa, non só cos seus sons, senón tamén para darse a coñecer máis a fondo a través de entrevistas. Á fronte do programa están Federico Salvador, Juan Armando Salvador, Lola Sánchez e Javier González.

• Horario de emisión: Os sábados ás 11:00h e os martes ás 14:00h.

Chill Pop

As noites dos luns na radiONeria danche a oportunidade de tomar un “break”, nada máis comezar a semana. En Chill Pop únense música e imaxinación, cunha coidada selección musical onde manda a relaxación. Ademáis, entre canción e canción, unha historia, formando entre todas o fío condutor do programa.

• Horario de emisión: Os luns ás 22:00h.

Italian Style

O vigués DJ Charlie dirixe un tempo de radio adicado ao estilo musical que máis sinte: o Italodance. Dúas horas de subidón xunto con multitude de seccións e diversos colaboradores, para facer máis amena a tarde do domingo.

• Horario de emisión: Os domingos ás 17:00h e os sábados ás 22:00h.

Siete Pulgadas

Nas tardes do domingo, reggae e dancehall toman o relevo acompañado de moitas doses de humor. Trátase de Siete Pulgadas, unha fiestra aberta a uns sons descoñecidos para moitos…

• Horario de emisión: Os domingos e os venres ás 20:00h.

Funkmanía

Qué mellor xeito de pechar a semana que coa compaña dos sons Jazz Funk e o Smooth Jazz. David Margam, productor musical, convídanos cada madrugada de domingo a viaxar a través de sons pouco cotiáns.

• Horario de emisión: Nas madrugadas dos domingos aos luns ás 00:00h.

Boques musicais

A emisora municipal de Corcubión xa é a emisora que máis minutos de música sen interrupcións, unha aposta difícilmente superable. As mañás comezan dende ben cedo con Oldies, música dende os anos setenta ata a actualidade con cancións que todos coñecemos. Ás 09:30, e logo da información, chega un clásico: Mañás de guateque. Pero a novidade da tempada vén arredor das 12:10h coa Sesión Vermú, unha selección musical que obtivo unha extraordinaria resposta da audiencia durante a época estival, polo que decidimos mantela ao longo da tempada invernal. Xa pola tarde, ás 15:10h chega o compromiso da radiONeria co país a través dos seus sons e a Música Jalleja Dajora. Non paran as seleccións con Jrandes Ésitos dende as 16:00h, Fórmula Pop ás 18:00h e A Hora Indie ás 19:10h. Na medianoite adicamos un tempo á música con etiqueta. Os luns e os xoves, as mellores bandas sonoras en A Son de Cine, os martes o mellor da música Jazz, Soul e Blues, os mércores unha viaxe polo planeta con Músicas do Mundo e os venres, Metal. O Reggae e o Ska tamén teñen o seu sitio, os venres dende as 21:30h. Xa na fin de semana, a noite vén quentiña, co mellor dance dos anos 90 cada venres en Dance Remember, e o mellor dance da época 00 cada sábado en Dance Sen Pausa. Ámbalas dúas citas, dende as 02:00h da madrugada.

Máis información

• Facebook de radiONeria.
• Blog da radiONeria.

Novas relacionadas

• Nova tempada do Boletín de Novas da radiONeria e Radio Roncudo.
• A radiONeria cumpriu 19 anos de vida.
• A Foliada chega á radiONeria.
• A mocidade de No Intro toma a radiONeria en directo cada martes.
• A radiONeria, contigo mentres traballas a través da rede.
• A radiONeria amosa o talento musical do país.
• Manolín escolle os mellores poemas dun ano de programas en Realidade e Soños.
• Volve o Ronsel para guiar á radiONeria e Radio Roncudo.
• A radiONeria amosa o talento musical do país.

Fonte

• Redacción de Fran Lago para a radiONeria e para QPC ( franlago@quepasanacosta.gal).