Escollida a alternativa máis viable para o porto mixto de Corcubión

Este luns, Portos de Galicia realizaba unha presentación na Confraría para presentarlle ao sector portuario, incluídos membros da "Plataforma Porto Si, Mortos Non", e os representantes municipais as 3 alternativas sacadas do estudio preliminar da construción dun porto mixto en Corcubión.

Malia poñer un horizonte de 4 anos para o desenvolvento do proxecto, Portos quere ir avanzando, e ten o camiño ben asfaltado pois hai unanimidade total en todos os sectores para que o proxecto vaia superando etapas.

En contra, o orzamento necesario, que será duns 10 millóns de euros (sabemos por experiencia coa Autovía, por exemplo, o que custa traer para a comarca cada euro); ademais dos posibles atrancos que xordan da sempre negativa relación entre administración de distintas cores como son Costas e Portos.

En calquera caso, Portos parece convencido do potencial que hai no sector primario con paradas de pesquerías potentes, e en materia deportiva coa veciñanza de toda a comarca.

 

A alternativa escollida

Portos presentou as tres propostas pero a mellor valorada é a considerada Alternativa 1, cun dique de abrigo de 282 metros de crecemento cara o exterior, que acadou tamén o apoio unánime de todos os axentes que participaron na presentación. Esta proposta inclúe 194 prazas de amarrre para profesionais e náutica recreativa, ademais dunha marina seca, e a creación de explanadas de servicio e aparcadoiros.

Unnha vez ratificada a elección da Alternativa 1, Portos de Galicia dará inicio á tramitación ambiental, o que implicará que o proxecto será posto a exposición pública.

ntinuación do que xa hai cara o norte, outro cara Brens, e outro cara o sur  

NOVAS RELACIONADAS

• Febreiro 23: Portos pon un horizonte de 4 anos para que o porto mixto de Corcubión poida ser unha realidade
• Xaneiro 23: Volven pedir a recuperación do práctico e o porto mixto de Corcubión.
• Decembro 22: A Xunta sobre o Porto Mixto de Corcubión: “Vai para largo”.
• Decembro 22: A Plataforma apartidista “Portos Si, Mortos Non” acentúa a súa loita polo porto mixto de Corcubión.
• Novembro 22: Outro barco ás pedras de Santa Isabel.
• Outubro 22: Crean a Plataforma "Porto si, Mortos non" para esixir o porto mixto de Corcubión..