Os membros da Plataforma “Portos Si, Mortos Non” de Corcubión reuníronse este venres en Santiago de Compostela co presidente de Portos de Galicia, ao que entregaron un documento coas necesidades que consideran prwioritarias.

Unha vez confirmado que o anteproxecto da lei de ordenación do litoral galego, cuxo prazo de alegacións e suxestións rematou o 20 de xaneiro, non afectará ao proxecto portuario, a expedición corcubionesa ofreceu a súa vontade de “contribuír ao proxecto solucións para mellorar o funcionamento e operatividade nos axustes do porto mixto, especialmente as persoas da plataforma máis coñecedoras das necesidades do día a día do traballo portuario, tanto profesionais. e deportes”.

O grupo trasladou o acordo plenario aprobado por unanimidade no Concello de Corcubión para instar á Xunta a iniciar as obras, e pediron que a Xunta, Portos ou Mar, fagan unha presentación do proxecto portuario mixto de pesca de baixura e náutica recreativa á sociedade civil Corcubión e Cee. Cita que será convocada en breve

Se ben Portos aínda non realizou ningunha xestión coa Demarcación de Costas, á espera de rematar a recollida de datos mariños e definir a mellor alternativa técnica para a localización definitiva do porto mixto, a expedición volveu cunha promesa enriba da mesa: “o presidente de Portos dinos que 4 anos sería un prazo razoable para acadar o porto mixto, se no camiño non hai atrancos que dificulten o proceso”.

NOVAS RELACIONADAS

• Xaneiro 23: Volven pedir a recuperación do práctico e o porto mixto de Corcubión.
• Decembro 22: A Xunta sobre o Porto Mixto de Corcubión: “Vai para largo”.
• Decembro 22: A Plataforma apartidista “Portos Si, Mortos Non” acentúa a súa loita polo porto mixto de Corcubión.
• Novembro 22: Outro barco ás pedras de Santa Isabel.
• Outubro 22: Crean a Plataforma "Porto si, Mortos non" para esixir o porto mixto de Corcubión..