Pepa de Braña, a nova centenaria en Santa Comba
Josefa Amarelle Nieto, veciña do lugar de Salgueiroas, na parroquia xalleira de Ser, celebraba este martes o seu cumpreanos máis especial, o seu centenario. "Nacín o 26 de Xaneiro do 16", recordaba con lucidez Josefa, coñecida polos seus veciños como Pepa de Braña.
José Antonio Ucha Velo, alcalde de Santa Comba acudiu ó domicilio de Pepa para obsequiarlle cun ramo de frores e cunha torta de aniversario que poideron degustar tódolos familiares e amigos presentes. “Ten unha saúde moi boa, pese á súa idade. Salvo que a súa mobilidade non é moi boa xa, polo resto vai moi ben. E ten moi boa memoria", sinalaba unha das súas netas presente nesta visita. "Xa lle teño comprado algún becerro a teu pai", comentoulle a homenaxeada ó alcalde, para dar mostras desa memoria aínda privilexiada.
Pepa foi nai de 4 fillos, un deles falecido xa na emigración brasileira. Os netos e os bisnetos son agora a súa debilidade, por tantos cariños con que a acompañan.
Esta non será a única festa de cumpreanos de Pepa de Braña. O domingo, como é habitual cada vez que cumple anos, reunirase toda a familia na súa casa para volver a celebrar este número tan especial. 100 anos. "Firmábamos todos", indicaban os presentes, entre sorrisos. O máis especial, sen dúbida, o de Josefa.
Novas relacionadas
- Maripepa de Rieiro, a nova centenaria de Santa Comba.
- Teresa Carreira, a nova muller centenaria en Zas.
Estudios relacionados
- 2014: A Costa da Morte perdeu máis de 5.000 persoas na última década e 840 no último ano.
- 2013: A Costa da Morte perde 600 habitantes ao ano.
- 2012: Cada comarca da Costa da Morte perde un centenar de persoas ao ano.
- Europa aprende a envellecer activamente en Ponteceso.
- A Costa da Morte terá en 10 anos 213 maiores de 65 anos por cada menor de 20.
- Continúa a sangría poboacional en Fisterra.
- Manuel Lema, o nome e o apelido máis frecuente na Costa da Morte.
- Un cuarto da poboación da Costa da Morte vive fóra.
Fonte
- Redacción de QPC (info@quepasanacosta.com).