Vieiro ofrece a clubs e asociacións deportivas un programa preventivo

Costa da Morte carballo

07:07 16/04/18

A presidenta da asociacion antidroga Vieiro Josefina Balmodir e a responsable de prevención Maria del Carmen Bello Que o deporte é un dos mellores xeitos de escapar das drogas é algo que saben moi ben na Asociación Vieiro. A entidade carballesa vén de presentar ás diferentes asociacións deportivas do municipio de Carballo, mediante correo postal, do programa de prevención deportiva: “Xogo Limpo” que se basea na promoción de valores e na prevención de conductas aditivas a través do fomento da regulación emocional, da tolerancia á frustración e outras ferramentas imprescindibles na maduración persoal dos mozos/as. Todos estes factores supoñen un recoñecemento para motivar aos mozos/as a desenvolver as súas habilidades físicas e sociais con comportamentos e actitudes axeitados que xogan un papel moi importante no axuste psicolóxico e no desenvolvemento psicosocial dos mozos/as contribuíndo a mantelos afastados de prácticas de risco, aumentando os seus factores de protección. "O deporte é un instrumento chave a través do cal promover formas de vida saudables e determinados valores sociais (solidariedade, cooperación, tolerancia...), onde se comparten aprendizaxes co grupo de iguais e que está relacionado directamente co sentido de pertenza e integración grupal", explican as responsables da entidade. Lembran que "o ámbito deportivo, polo tanto, encerra numerosas posibilidades para a educación e a formación de nenos/as e adolescentes, aprenden os valores que a sociedade lles transmite, dos modelos e das persoas significativas que os observan (pais/nais, adestradores, amigos/as…), dos resultados que conseguen cos seu esforzo, etc".

Programa

É por todo isto que a asociación Vieiro propón un programa preventivo distribuído en diferentes fases nas que se inclúen:

Instalación de pancartas nas instalación deportivas,
Sesión formativa para responsables dos clubes deportivos (directores, adestradores e persoal técnico) sobre pautas de actuación ante a detección de conductas aditivas.
Obradoiros teórico-prácticos destinados e adaptados aos xogadores das diferentes categorías.

Dende a asociación informan que xa recibiron peticións de clubes deportivos pero recordan que aqueles clubes interesados no programa ou entidades interasadas que non recibiron notificación poden apuntarse ata o 30 de Abril. Poñendose en contacto con Vieiro no teléfono 981756161.