A Costa da Morte tamén estivo presente na manifestación pola mellora da Sanidade Pública
![Plataforma Pediatras e Matronas xa na Manifestacion SOS Sanidade Publica Compostela](/asset/thumbnail,992,558,center,center/media/quepasanacosta/images/2024/02/05/2024020507362284209.jpg)
Este domingo, as rúas de Compostela volveron vivir unha masiva manifestación en contra das políticas da Xunta en materia de sanidade. A Plataforma SOS Sanidade Pública xuntaba ducias de milleiros de persoas (30.000 segundo a organización), para protestar contra a deterioración da sanidade e esixindo un sistema público de calidade.
Berros como 'menos inventos e máis investimentos' ou ‘Rueda atende, a sanidade non se vende' demostraron a necesidade de baixar as listas de espera, aumentar o persoal e coidar a “lamentable”situación da atención primaria.
![Manifestacion SOS Sanidade Publica Compostela Obradoiro](/media/quepasanacosta/images/2024/02/05/2024020507362177478.jpg)
Non faltou a Plataforma costeira Pediatras e Matronas Xa, con Vanessa Viquendi animando co megáfono, ademais da delegación costeira de SOS Sanidade Pública Costa da Morte, con moita presenza de responsables do BNG da comarca.
Aproveitaron a cita cabezas de lista dos partidos que chegan aos comicios do 18F para deixarse ver, estando presentes Ana Pontón (BNG), José Ramón Gómez Besteiro (PSdeG), Marta Lois (Sumar) e Isabel Faraldo (Podemos Galicia). Pontón e Besteiro deixáronse fotografar xuntos deixando unha imaxe de unión, mentres o Partido Popular tildou a manifestación de “electoralista”.