A Costa da Morte volveu gozar a festa do ciclismo co Gran Camiño
A Costa da Morte viviu a Festa do Ciclismo co paso da segunda etapa de O Gran Camiño. Unha proba que supñon a recuperación da Volta a Galicia, da man de Ezequiel Mosquera, o gran dinamizador tamén do Gran Fondo Ézaro, que será a seguinte proba.
A bisbarra estaba preparadísima para o paso do pelotón, como se demostrou en Santa Comba, cos nen@s e maiores de toda a vila volcados co evento e ondeando as bandeirolas da nova imaxe municipal.
Da vila xalleira a proba colleu dirección Coristanco e Carballo, onde houbo Meta Volante.
Pasado o mediodía, o pelotón foi cara Buño, Ponteceso, Laxe e Cabana, para chegar ata a vila camariñá da Ponte do Porto.
Gran expectación tamén en Muxía, onde chegou ata o Santuario da Virxe da Barca e marchou cara Cee por Lourido.
Así pasaban por Cee, gracias a este vídeo de Rafa Quintáns.
Dende Cee, enfocaron a recta final cara Dumbría, e malia o vento, a cousa se puña interesante no deportivo, e o espectáculo que deixou o porto do Mirador do Ézaro foi fantástico, cunha demostración de canadiano Michael Woods. Foi Alejandro Valverde o que atacou primeiro a media subida, pero Woods respondeu e o apoio do colombiano Iván Soza non foi suficiente para que o veterano español conseguise alcanzalo. Ao final, Valverde chegou segunda posición da etapa, a só 17 segundos do e coas espadas por todo o alto para a vindeira etapa.
Así de fermosas foron as estampas que deixou a subida ao Ézaro:
E así falaba Valverde coa TVG:
Novas relacionadas
- 2021: O pelotón do Gran Fondo Ézaro vertebrou a Costa da Morte.
- Agosto 2020: A Costa da Morte deu a Volta por 150 países.
- Gran Fondo 19: O Muro do #GranFondoÉzaro continúa aumentando a súa lenda.
- Gran Fondo 2018: O Gran Fondo Ézaro supérase a si mesmo.
- Gran Fondo 2017: Gómez Noya demostrou o seu poderío vencendo o Gran Fondo e na Travesía a nado.
- Vuelta 2016: La Vuelta volveu subir o Formigón do Ézaro e deixar a súa pegada na Costa da Morte.
- Gran Fondo Ézaro 2015: Indurain e Chiapucci da man ata o Mirador do Ézaro.
- Pequeño: “Se por min fose, a Volta Ciclista a España 2016 saía e chegaba ó Ézaro. Hai un bo entendemento co director do evento”.
- O Turismo do Ézaro crece nun 155% no último ano gracias a La Vuelta.
- “O Mirador do Ézaro convírtese nun porto mítico en Galicia referencia da peregrinaxe do ciclismo”.