A Costa da Morte deu a Volta por 150 países
Espectaculares imaxes as que percorreron o mundo coa 13ª etapa desta singular Vuelta a España 2020. Os planos aéreos das zonas dende a Ría de Muros (Esteiro do Tambre, Ponte Nafonso…) ata Fisterra, pasando polo casco de Muros, o Monte Louro, a praia de Carnota, os seus hórreos, o Monte Pindo, a ensenada do Ézaro… miráronse no 150 países que retransmiten unha das tres grandes probas do panorama ciclista internacional.
Ademais, as imaxes estiveron ben aderezadas polos comentarios de Perico Delgado e de Carlos de Andrés, aos que se lles nota que lles encanta vir e disfrutar da nosa comarca. Imaxes que tamén recolleron algunhas das nosas reinvidicacións, como esa pancarta da Plataforma PediatrasXa! ou esoutra do Comité de XEAL.
Mágoa que non estiveran as estradas ateigadas de afeccionados como nos últimos anos, pero a alerta sanitaria manda e foron poucos, pero ruidosos, os veciños que se achegaron a animar aos ciclistas.
📣🚴As demandas do persoal de XEAL (antes Ferroatlántica) escoitáronse hoxe ao paso da volta ciclista polo #Ézaro, onde a empresa ten varias das centrais das que tira substancioso proveito mentres segue cos fornos de ferroaliaxes parados e sen presentar o plan de viabilidade. pic.twitter.com/m5RyBisiqc
— CIG (@galizaCIG) November 3, 2020
Acicate turístico
Unhas estampas que sirven de inmellorable escaparate para o sector turístico da Costa da Morte. Así o levan comprobado o Concello de Dumbría, pois esa repercusión mediática levou multiplcar por 40 as visitas turísticas só no punto de información turística do Ézaro dende que en 2012 pasou por primeira vez o pelotón.
Estes días ademais todos os hoteis da comarca colgaron o cartel de completo, o que supón un pequeno oasis, neste fatídico 2020. Pouco importaron os males menores que supuxo a chegada do pelotón, que impediron aos muradáns usar o seu porto durante 4 días, o peche da AC-552 durante 7 horas ou o “festivo” no cole de Carnota pola falta de accesibilidade.
Subida ao Alto do Ézaro-Foto-Mario Rodriguez
Máxima emoción deportiva
E mellor non puido darse a contrarreloxo, sendo tan decisiva como se formulaba. A igualdade entre os 3 do podio foi total, se ben Roglic demostrou unha xestión dos tempos brillante e fixo unha subida brutal do 1,8km quilometro, superando o temido Muro e sacando un tempo importante, pero non suficiente para sentenciar, ao ecuatoriano Richard Carapaz e a británico Hugh Carthy.
Ficamos menos contentos coa perda de opcións de podio de Enric Mas, pero o Muro convertiuse en xuíz e parte da Volta 2020.
Alejandro Valverde ao seu paso por Lariño-Foto-Oscar Leis
Resumo en vídeo
Novas relacionadas
- 15-04-2020: A Costa da Morte esperará por La Vuelta.
- Xaneiro 2020: As Costas da Morte en FITUR (I): O ciclismo como motor turístico.
- Decembro 2019: A Costa da Morte será protagonista na Vuelta a España máis internacional.
- Outubro 2019: La Vuelta 2020 volverá subir o Mirador do Ézaro nunha espectacular contrarreloxo.
- Gran Fondo 19: O Muro do #GranFondoÉzaro continúa aumentando a súa lenda.
- Gran Fondo 2018: O Gran Fondo Ézaro supérase a si mesmo.
- Gran Fondo 2017: Gómez Noya demostrou o seu poderío vencendo o Gran Fondo e na Travesía a nado.
- Vuelta 2016: La Vuelta volveu subir o Formigón do Ézaro e deixar a súa pegada na Costa da Morte.
- Gran Fondo Ézaro 2015: Indurain e Chiapucci da man ata o Mirador do Ézaro.
- Pequeño: “Se por min fose, a Volta Ciclista a España 2016 saía e chegaba ó Ézaro. Hai un bo entendemento co director do evento”.
- O Turismo do Ézaro crece nun 155% no último ano gracias a La Vuelta.
- “O Mirador do Ézaro convírtese nun porto mítico en Galicia referencia da peregrinaxe do ciclismo”.
- Alfredo Relaño: “Non coñecía este emprazamento privilexiado ata que o ciclismo o ensinou ao mundo”.
- Vuelta 2013: Volta a España con Final na Fin do Mundo.
- Vuelta 2012: A Costa da Morte vibrou coa Vuelta.
