Venres. 09.06.2023
El tiempo

O turismo mariñeiro esténdese por toda Galicia con Margalaica

O turismo mariñeiro esténdese por toda Galicia con Margalaica
Presentacion da ampliacion a toda Galicia de Mar Galaica

Nacía no sur da Costa da Morte, da man do Grupo de Acción Costeira 4- Seo de Fisterra e Ría de Muros e Noia. De feito, o modelo implantado polo Club de Produto e Estándar Finisterrae foi posto como exemplo por Turespaña en varias ocasións.
Hoxe xa podemos dicir que está instalado en toda Galicia. A Xunta vén de presentar o proxecto Margalaica a nivel galego, de xeito que todos os GAC promocionarán de maneira conxunta e coordinada o turismo mariñeiro en Galicia.

Malia que as experiencias na Costa da Morte co turismo mariñeiro non son as mellores (Lira e Laxe non acaban de verlle un rendemento real malia que a potencialidade sexa interesante) a Xunta entende que servirá “para dinamizar e potenciar os nosos recursos”.

Mar Galaica

O Club de Produto Mar Galaica naceu no marco do plan de mellora do turismo mariñeiro do GAC 4. Está formado por empresas de hostalería, museos e centros de interpretación vinculados ao mundo do mar para a realización de actividades e servizos de turismo mariñeiro. O ano pasado coñeceramos propostas como os Obradoiros gastronómicos ou as Xornadas de degustación "Cómete o mar".
A través desta iniciativa, que constitúe un exemplo de promoción da calidade dos produtos do mar galegos, fórmase aos operadores dos produtos turísticos, impulsándoos como os mellores embaixadores da cultura, etnografía e patrimonio de Galicia.

Esta acción concorda coa liña que promove a Unión Europea para promocionar e impulsar o turismo mariñeiro e encaixa na iniciativa de Crecemento Azul (Blue Growth initiative) proposta pola comisaria de Pesca María Damanaki.

Novas relacionadas

Fonte

  • Nota de prensa da Xunta.

comentarios