Os participantes deberan facer un "selfie" co último raio de sol no banco do cabo Touriñán A asociación "Muxía Turismo Rural" acaba de poñer en marcha un concurso de selfies baixo o lema #MiSelfieenelMejorBancodelMundodeTouriñan. Este concurso nace para poñer en valor un fenómeno natural que se produce en Touriñan durante o solsticio de primavera, que transcorre entre o 20 de marzo e o 25 de abril. Aquí, segundo indica o baiés Jorge Mira nun dos seus estudos, rexístrase o último raio de sol de Europa. Así que o premio será para a mellor foto de estilo "selfie" sacada dende o banco do Cabo Touriñán. Os participantes deben publicar a imaxe na páxina de Facebook de Muxía Turismo Rural ademais de enviala ao enderezo electrónico muxiaturismorural2015@gmail.com indicando o nome do participante, teléfono móvil e cubrindo o formulario. O concurso comeza o vindeiro 20 de marzo e remata o 25 de abril. Un xurado formado por fotógrafos profesionais da Costa da Morte (Marcos Rodríguez, Xesús Búa e Cristrian Trillo) elixirán as mellores imaxes segundo o seu criterio. Premiarán as catro mellores fotos cunha fin de semana en cada un dos establecementos asociados a Muxía Turismo Rural, todos certificados coa Q de Calidade. Máis información en www.muxiaturismorural.com   Novas relacionadas

• Muxía promociona o solpor de Touriñán en Fitur 2016.
• “Touriñán, solpor de Europa” xa ten o seu clube de amigos.
• Muxía xa camiña ao solpor cara o mar dende Touriñán.
• O de Touriñán, o Solpor de Europa.
• Para que o Faro recupere a súa voz.
• É o Cabo Touriñán o punto máis occidental da Europa Continental? .
• Unha de faros abertos e pechados.
• Recunchos da Costa: Cabo Touriñán.

Fonte

• Redacción QPC (info@quepasanacosta.com)
• Asociación Muxía Turismo Rural