Moitas cousas para esta fin de semana previa ao Nadal na Costa da Morte. Con moitas das actividades dos Concellos xa en marcha, hoxe resaltamos as actividades relacionadas coa música, o teatro e a poesía, que este sábado cobra un protagonismo en Muxía.

O V Recital de Poetas da Costa da Morte reunirá en Muxía ata 8 poetas da bisbarra. Paralelamente continúas as Xornadas Culturais no Confín do Outono Pondaliano da Fundación Eduardo Pondal.

Tamén o sábado hai Teatro en Malpica (tamén o venres), Teatro en Cee con Badius Teatro, ademais da triple sesión coral: XVI Certame de Corais Polifónicas de Nadal en Ponteceso, VIII Memorial Pepe Valiña en Baio e o Festival de Corais de Corcubión.

E para a noite do sábado hai tamén dúas citas musicas: concertazo en Carballo e mais en Laxe.

Para o domingo teremos tamén cita co teatro en Vimianzo.

Poden ollar todas estas actividades en www.axendacostadamorte.com.

Máis información

• www.axendacostadamorte.com.

Fonte

• Redacción de QPC ([email protected]).