Axenda dunha fin de semana de Sereas Medievais na Costa da Morte
![](/asset/thumbnail,992,558,center,center/media/quepasanacosta/images/2012/07/20/Axenda-20-xullo-2012.jpg)
![Axenda 20 de xullo da Costa da MOrte Axenda Patrocinada polo Hotel-Restaurante El Hórreo - Pincha para ir a www.axendacostadamorte.com](/media/quepasanacosta/images/2012/07/20/Axenda-20-xullo-2012.jpg)
Este xullo vén tan completo (non hai un só día sen citas culturais ou festexeira como podedes ver no calendario) polo que estiramos a fin de semana ata o xoves, pois xa temos unConcerto na Ventana de Laxe, e as Festas do Carme de Caldebarcos, que rematan venres, e as Festas de Santa Mariña de Esteiro, que rematan hoxe.
Mañá venres empreza o groso, con especial incidencia no Mercado Medieval Costa da Morte de Corcubión. 3 días nos que a vila de San Marcos se traslada, por completo varios séculos atrás. O Desembarco na noite do venres e a procesión de fachos a do sábado serán os pratos fortes, pero teremos actuacións cada 15 minutos.
Non podemos esquecer o Festival Sereas e Piratas, que convertirá a incrible paraxe da Praia de Razo nun evento masivo de música e deportes acuáticos.
Non faltarán as festas verbeneiras, e poderemos ir bailar á Madalena de Louro, ás Festas de Pasarela, a Festa da Espuma de San Mamede e á Festa da Xuventude de Fisterra.
E non faltarán as citas culturais e arqueolóxicas, destacando a doble presentación na Costa do libro Heredeiros pola forza, de Xurxo Ayán e Manuel Gago. Ambos estarán o venres na Tenda dos Libros de Ponteceso e o sábado na Barferencia de Carnota.
Ademais, o Museo de Arte Contemporánea da Costa da Morte de Corme acolle dúas conferencias: unha charla co escritor e poeta José María Parreño e o sábado a presentación dun libro.
E para completar as citas, poderemos ver unha obra de teatro na rúa en Carballo o venres, o Festival Folclórico de Brens o sábado e a VIII Concentración de Motos Clásicas de Zas o domingo.
- Axenda Patrocinada polo Hotel-Restaurante El Hórreo: Coñécenos polo Facebook do El Horreo Rte.
Máis información
Fonte
- Redacción de QPC ([email protected]).