Novidades importantes arredor do fútbol da Costa

Deindo
13 de xuño de 2012 (19:43 h.)

Moitas cousas acordaron os membros da Asociación de Clubes do Fútbol da Costa na reunión celebrada o pasado martes en Baio, á que acodiron representantes do Malpica, Outes, Corme, Esteirana, Muros, Volantes, Nantón, Baio, Lira, Fisterra, Mazaricos, Dumbría, Ponteceso, Corcubión e EFM Vimianzo.
Novidades importantes, e lóxicos, en canto os ascensos, en canto á Copa da Costa, e mais en canto á Liga Xuvenil.

Iso si, todas estas propostas deberán ser refrendadas polos clubes no plenillo que organiza a Federación, cuia data prevista será o martes 26 de xuño, salvo posibles cambios.

Ascenso dende o norte

Xa sabemos que o Corme non aceptou o ascenso por ter que subir á zona de Santiago. Unha decisión da Federación que non gusta, sobre todo polo norte da zona. I é que de toda a vida, mesmo os equipos da zona de Muros están máis vencellados ao fútbol da Coruña que ao de Santiago.
En todo o caso, o Corme presentaba nunha reunión coa Federación celebrada onte en Baio, unha proposta para que os equipos de Bergantiños, no caso de ascender, o fagan á 1ª Autonómica da Coruña a partir da vindeira temporada 2012-2013.

  • O campión e o subcampeón da 2ª Autonómica da Costa, cando fosen equipos da comarca de Bergantiños, unicamente tiveran dereito a disputar a promoción de ascenso á 1ª Coruña Norte, xunto con outros 3 subcampións das 2ª dependentes da Coruña Norte, sempre que:
    - a) o acordo entre os clubs de concellos de Bergantiños.
    - b) a aceptación por parte dos clubes da Costa.

Copa da Costa: Final a partido único

Continuouse co tema DA COPA DA COSTA para a temporada 2012-13. Acordouse propoñer a disputa da final de copa a partido único, en campo a escoller polos dous finalistas. Tamén se proporá que a fase previa sea a partido único. Tamén se fará o posible para encaixar os partidos necesarios en datas libres de competición (navidades, semana santa, etc) co fin de lograr que a copa se dispute unha vez rematadas todas as ligas e que non se produzan sitiacións coma a deste ano, na que varios equipos tiveron que xogar partidos sábados e domingos.

Liga Xuvenil

Outro tema de debate foi a liga de xuvenil. A proposta inicial dunha liga con todos os equipos foi descartada polo elevado número de partidos que se terian que disputar e que non deixaria datas para a Copa Xuvenil. O preparador do Malpica Sr. Piña, expuso un calendario de competición, que se resume básicamente en unha liga coma a actual, con zona norte e zona sur. Os campions disputarían a fase de ascenso. O remate destas ligas xogariase a copa, en duas fases: unha primeira de catro grupos, da cal pasarian os dous primeiros para conformar os octavos da Copa.

Tamén suso da Torriña (Corme C.F.) propuxo un modelo competicional para esta liga. O seu formato sería moi similar o de este ano. O remate da liga regular norte e sur, os tres primeiros pasarían a liga para loitar polo título e polo ascenso. Una das novidades sería que os 6 equipos pasarian cos puntos obtidos contra os rivales do seu grupo.

Fútbol Base

No tocante o fútbol base, acordouse realizar unha petición a F.G.F. para que se unifique o recibo arbitral ou en caso contrario, os clubes estarían dispostos a volver o sistema competicional existente, fora da Federación.

Gala Fútbol da Costa

A Gala do Fútbol da Costa, a celebrar o 30 de xuño, xa ten premiados, pero non se saberán ata o día da víspera.

Ademais, acordouse que no partido das seleccións COSTA NORTE-COSTA SUR, farianse unhas rifas para recaudar cartos para a Asociación e a cantina sería a beneficio dos clubes que xogan en Miraflores, (MUROS SD e VOLANTES DE BAÑO FC).

Máis información

Crónicas da semana

Etiquetas
Deportes Costa da Morte Fútbol da Costa Club do Mar Liga da Costa festa