Antes ir coa previa da xornada e tras botar un ollo ao parte de sancións, ver a video entrevista de Anxo Garrido co árbitro Marcos Ordóñez, e repasar os resultados da Liga de Fútbol Sala de Cee desta semana, repasamos as últimas novidades do fútbol costeiro.
I é que onte se disputaba o encontro entre Independiente de Carballo e Atl. Pereiriña suspendido na xornada 12 por mor do mal estado do xogador ceense Gabri (que evoluciona favorablemente e xa está fóra da UCI). O resultado final foi un 4-2 para os carballeses.
Por outra banda, xa apuntamos que será David Baña, ex so Sofán, quen se sente no banco do Malpica esta fin de semana trala destitución de Agilda.
Xa no tocante á xornada, na Preferente os nosos terán unha boa ocasión para seguir sumando pois os rivais dos nosos 4 equipos son da zona baixa.
P^ola contra, Cee e Ponteceso enfrontaranse na 1ª a rivais da zona alta como son Olímpico e Carral.
Na Liga da Costa, hai varios encontros interesantes na xornada sabatina, como son o Malpica-Dumbría B, o Fisterra-Esteirana ou o Club do Mar-Zas. Ademais para o domingo o líder, o Camariñas, recibirá ao Mazaricos, e haberá un par de encontros importantes na zona baixa como O Pindo-Castriz, que medirá se a reacción dos carnotáns é verdadeira. Ollo con ese derbi carballés sempre intenso e bonito entre Sofán e San Lorenzo.
A xornada na 3ª chega coa atención posta no derbi muradán entre Montelouro e Volantes, que dará que falar. Do resto dos equipos da zona alta destaca o Fisterra B - Carnota, 5º contra 6º, mentres que Cabana, Coristanco, Outes, Porteño, Cerqueda e Laxe enfrontaranse a equipos da zona media e baixa.
Reunión nas Ligas de Veteranos
Segundo nos informa o Comité organizador la Liga de Veteranos da Costa, a raíz da gran preocupación que hai entre o colectivo de xogadores e equipos da Liga da Costa de Veteranos, referente á posibilidade da contratación dun seguro de accidentes e asistencia sanitaria para os xogadores en caso de lesións, convócase unha asamblea xeral extraordinaria para o día 9 de decembro ás 21:00h no Salón de Actos do Local Social de Neaño, Cabana, en fronte ao Bar París.