Fin de semana sen parada en Dumbría
Fin de semana de vertixe no Concello de Dumbría, con varias actividades diversas e perfectamente combinables no marco do programa estival. Ao longo da fin de semana o areal de Ézaro acollerá o Campionato de España de Socorrismo e Salvamento, que provoca a chegada dunha completa caravana deportiva que deixará moitas cousas en toda a comarca.
Paralelamente, durante a mañá do sábado (ás 11:00h nas instalacións do Conco), hai un obradoiro de autodefensa dirixido a mulleres maiores de 16 anos.
Xa pola noitiña poderemos disfrutar dunha sesión de cine ao aire libre no Paseo marítimo do Ézaro (en caso de mal tempo a proxección será no edificio Bitácora). A partir das 22:30h proxectarase a elícula “Vaiana” a través da Rede Cultural da Deputación da Coruña.
E como non, de 23:00h a 0:00h… a gozar coa Iluminación da fervenza do Ézaro.
