No mes de abril as 5 bibliotecas municipais de Dumbría acollen variadas actividades para todos os gustos, aproveitando o mes do Libro e o día mundial do libro e o dereito de autor.

Se ben en breve completarán toda programación do Abril de Libros a través do programa Ler Conta Moito, da Rede de Bibliotecas Públicas de Galicia, a Semana Santa será o aperitivo a un mes cheo de actividade, organizando distintos obradoiros de animación á lectura:

• Obradoiros de manualidades en madeira coa temática da Pascua
• Obradoiros de encadernación
• Bibliotecarias/os por un día. Aprende a moverte na túa biblio
• Obradoiros de manualidades de primavera

Haberá bibliotecas abertas en horario de mañá e tamén de tarde para favorecer a conciliación das familias dumbriesas.

O acceso a todas estas actividades é libre e gratuíto, ata completar aforo.