Os alumnos do IES Fin do Camiño exportan Educación Emocional
Segue o IES Fin do Camiño sendo potencia en materia de Convivencia Positiva. Así o demostran participando na organización dos IV Encontros para unha Convivencia Positiva que se celebran estes días en Pontedeume. Mestres, alumno e familias de 22 centros educativos de todo o país participan neste foro educativo que pretende servir de exemplo.
Son 9 rapaces e rapazas, e dous mestres, fisterrás os que participan estes días, exercendo de alumnado axudante previndo situacións de illamento e outros conflitos. Este ano, o encontro trata sobre a importancia de educar e xestionar as emocións. E de feito, son especialistas na vila do Cristo, pois no propio IES contan cunha materia de nome “Educación Emocional e para a Creatividade" no 1ºESO.
Unha das dinámicas realizadas estes días chámase “Espazo Aberto", onde o alumnado, o profesorado e as familias discuten en torno a temas que preocupan dentro da xestión emocional dos conflitos.
Foi interesante a charla ao profesorado de Rafel Bisquerra, sobre o universo das emocións humanas); ou a charla para os pais e nais sobre como educar as emocións na familia. Desenvolven tamén o proxecto Educa Bonito e dinámicas para o alumnado destinadas a mellorar a súa comunicación afectiva.
Novas relacionadas
- O IES Fin do Camiño gaña en prevención.
- Os Cybermentores do IES de Fisterra reciben o premio de Educa Barrié.
- Un Maratón de Sangue consegue un 50% máis de doazóns en Fisterra.
- O Instituto tamén aprende a ser solidario.
- Os alumnos cybermentores do IES Fin do Camiño promoven a doazón.
- O IES Fin do Camiño faise especialista en convivencia postivia:
- O IES Fin do Camiño recibe en Madrid un premio pola súa coa convivencia.
- Os alumnos de Fisterra, Cee e a Ponte do Porto reciben un 100% de desconto en conflitos.
Fonte
- Redacción de QPC (info@quepasanacosta.com).