Venres. 03.02.2023
El tiempo

A historia, en primeira persoa, do rescate dunha persoa no incendio dun piso de Laxe

Incendio nun piso de Laxe
Imaxe do incendio no pisto de Laxe
A historia, en primeira persoa, do rescate dunha persoa no incendio dun piso de Laxe
Esta pasada noite sabatina, tivo lugar un suceso en Laxe. Poucas veces temos un relato tan detallado dun incendio urbano, e sen ganas de medalla, o veciño que fixo de heroe quere contarnos, dende o anonimato como foi.

Atopábase dando un paseo coa familia preto da Avenida Isidro Parga Pondal, cando escoitaron unha tremenda explosión e viron como saía voando a galería dun piso do 2º andar. A pesar do susto, este veciño, voluntario de Protección Civil e do 112 dende fai 16 anos e de Cruz Roja dende o 89, cruzou a estrada e parou ao primeito coche que pasou para pedirlle que fose coller os extintores do Restaurante Zurich, que se atopa a 100mtrs do lugar da explosión.

Nese momento, o dono da vivenda berraba dente a ventana da habitación “Socorroooo, ai mi madre”. Así que sen pensalo, deulle un golpe á porta do portal e subiu as escadas mentres avisaba ao 112. Eran as 20:15, entrou na vivenda (estaba a porta aberta pola explosión, e sacou ao home, que estaba totalmente espido porque estaba na ducha (“foi o que o salvou”) no momento da explosión.

Cóntanos o veciño que “estaba desorientado sangrando polos pés e coa man dereita queimada. Sacouno ás escaleiras coa axuda de dous veciños que foron os que subiron os extintores. Xa co home abaixo, a salvo e cunha tapado cunha manta que baixara outro veciño, tocaba enfrontarse ao lume. A cociña e a habitación contigua estaban ardendo. Colleu os extintores e foi meténdome ata a cociña apagando o lume que volvía a prender. Un dos veciños tamén axudou cambiando os extintores que se ían valeirando. Cortou a auga e a corrente e tras comprobar que non había ninguén máis no piso, colleu as chaves do outro piso do dono e baixo, chamando de novo ao 112.

Eran as 20:28h cando chegou a Garda Civil, e pouco despois ois compañeiros de Protección Civil, GES e Bombeiros de Carballo.

Cando chegaron ambulancia e médicos do PAC de Ponteceso atenderon primeiro arriba o propietario e logo na ambulancia. Ao heroe mirárono arriba e estaba perfecto ademais de ter o corazón a mil.

A familia da vítima doulle as gracias mil veces, e o máis importante é que el esta ben, na súa casa de Castrelo de Laxe, co susto enriba do corpo. Como o da muller e a filla do veciño salvador, que non poden quitar da cabeza os berros de auxilio do home, e o medo que pasaron vendo ao seu marido e pai meterse na boca do lume. “Son décimas de segunto e un instinto que levo dentro en axudar dende neno a todo o que poida”, explícanos a súa decisión.

Imaxe do incendio de Laxe
Imaxe do incendio de Laxe á chegada dos Bombeiros

As posibles causas

Tratouse dunha explosión de gas. O propietario explicou ás forzas de seguridade que simplemente abriu o gas e foise duchar, e que despois escoitou a explosión. Sinalou que durante eses días foille instalada unha placa de indución, polo que segundo fontes cercanas, puido ser que durante a intalación da placa anularon o tubo do gas da cociña, quedando sen tapar e ao abrir o gas, puido prender coa chispa do calentador.

comentarios