Esta tempada participaron nas Escolas Municipais de Fútbol de Malpica uns 50 nenos e nenas do municipio O concello de Malpica continúa estes días coa clausura das súas actividades de inverno. Agora foi o turno das Escolas Municipais de Fútbol que se despediron ata o vindeiro ano cunha xornada de deporte e diversión no campo de Xaviña. Houbo partidos de peques contra papás e mamás, e algún dos equipos infantís estivo ben reforzado, porque xogou con eles o concelleiro de Deportes, Iago Espasandín Varela. Houbo mochilas para os 50 participantes nas escolas e tamén entrega de medallas aos alevíns por proclamarse campións da Liga de Costa Bergantiñá. E para coller forzas, pizza para todos!. Novas relacionadas

• Días de clausuras en Malpica
• Clausurado o obradoiro de manualidades de Malpica no que participaron 23 nenos e nenas

Fonte

• Redacción QPC ([email protected])
• Concello de Malpica