O PSdeG-PSOE de Malpica de Bergantiños ten xa a cabeza posta nas eleccións municipais de 2027, e continúa a realizar reunións coa veciñanza do municipio nas súas diferentes parroquias, co obxectivo de escoitar de primeira man as demandas, necesidades e inquedanzas dos veciños e veciñas e trasladalas ao pleno municipal.  

Estas xuntanzas continuarán este domingo 22 de marzo en Cerqueda, ás 12:30 horas, nas Escolas das Pozacas. Xa no mes de abril, os veciños e veciñas poderán participar na xuntanza do domingo 12 no local social de Mens, ás 12:00 horas 

O domingo 19 de abril será a quenda de Leiloio ás 11:00 horas nas Escolas da Raxeira, e o domingo 26, a de Vilanova de Santiso nas Escolas de Beo ás 12:00.    

Esta xeira de xuntanzas comezou o 18 de xaneiro no local social de Barizo, e proseguiu o 25 de xaneiro no Teleclube de Buño e o 1 de febreiro nas Escolas de Cambre.