Hai máis paseos abertos, como o Camiño dos Faros, pero non son oficiais como estes 7 roteiros que aló polo 1988 describiron Adrián Bartolomé e Ricardo Rojo. Para estes días aconsellan os 2, 4 e 7, así que apunten e proben.
Xa se pediu un sendeiro adaptado na Selaguía de Malpica ata o cabo San Adrián, pero parece que as administracións non responden.

Ou así o entenden algúns veciños, que piden máis sendeiros e menos construcións no litoral malpicán. Piden de feito a creación dun Parque Litoral que protexa e difunda este tesouro.

Uns roteiros, que ademais de cumprir 25 anos, veñen de actualidade, i é que "o anaquiño de Costa que aparece na foto da portada é o lugar que os últimos alcaldes de Malpica intentan "violar" para facer a ilóxica, innecesaria e faraónica saída sur do Porto de Malpica", segundo denuncia Adrián Abella dende a súa Selaguía, que valora que a EDAR non se situase finalmente na furna da Taga.

Boten un ollo ao librito de rutas, pois só coa toponimia xa merece a pena: monte da Plancha, Furna da Taga ("Tágara" en mapas centenarios), Punta do Muxeiro, Castelo (ou "Barca de Magé", coa súa praíña en mareas baixas e longas), o Peterón (límite parroquial entre Malpica e Cerqueda), a Enseadiña da Xareira (co seu muíño "asilveirado"), a Redonda (illote dador de bos percebes), a Punta de Lapachán... vaia tesouros en forma de nomes.

Máis información

• Libro dos 7 Routeiros Naturais no Concello de Malpica [pdf].

Novas relacionadas

• Percorrendo a pé, e con Traski, o Camiño dos Faros da Costa da Morte.
• Por un litoral adaptado na Selaguía de Malpica.
• Roteiros homologados na Costa da Morte?.

Fonte

• Redacción de QPC ([email protected]).
• Información de Adrián Abella dende a súa Selaguía.