Un grupo de 18 persoas con discapacidade intelectual de idades entre 20 e 55 anos da Asociación de Persoas con Discapacidade da Bisbarra de Muros (ADISBISMUR), entidade membro de COGAMI, que vén sendo a Aspadex da zona da Barbanza, rematou o curso de formación de Produción de plantas en viveiros que lles impartiu Adisbismur e cofinanciaron a Consellería de Medio Rural e o Fondo Social Europeo. Un curso que ademais se completa coa contratación de varios usuarios por parte da propia entidade para os coidar os seus viveiros que ten en Valadares e Carnota. Esta acción formativa tivo unha duración de 200 horas lectivas, preto de dous meses, e nel tratáronse temas relacionados co coidado das plantas como a plantación e semente, identificación de plantas ornamentais, control fitosanitario, poda de árbores e arbustos ornamentais, manexo e cultivo de plantas en viveiros e prevención de riscos laborais.

Formación e búsqueda de emprego

A axuda da entidade é integral, xa que ademais de formar procura un traballo para os usuarios. Os cursos de formación coma este de coidado de plantas son básicos para Adisbismur porque así poden formar aos seus usuarios nunha profesión que poden levar á práctica no centro de recursos ao que acoden a diario en Valadares e no recentemente estreado centro especial de emprego Viveiros Valadares. Adisbismur actualmente ten 4 invernadoiros en Valadares e 2 en Carnota cedidos estes últimos polo concello. Os usuarios do curso aproveitaron estas infraestruturas para realizar as prácticas e proximamente algún destes estudantes vai ser contratado no centro especial de emprego, logrando así, o seu primeiro posto de traballo.

Novas relacionadas

• Aspadex e Apem culminan o seu encontro coa vela.
• Recunchos da Costa: O Muíño de marea de Muros.
• O PXOM de Muros salva o penúltimo obstáculo.

Fonte

• Nota de prensa de Abidismur.