Esteiro afronta a final do Campionato de Barrios na fin de semana do Carmen

Abelleira, Canchester, Pentacosta e Ciclóns foron os semifinalistas do Campionato de Barrios de Esteiro 2025. Fotos de Rober Pladur

Redacción

12 de agosto de 2025 (08:21 h.)

Chega a fin de semana máis máxica de Esteiro. Chegan as Festas Festas do Carmen, que teñen o día grande formulado para o venres 15 agosto. Un día no que se recupera a procesión marítima con ofrenda floral aos mariñeiros, e que terá como cumio a gran final do Campionato de Barrios.

A presentación do programa das festas correu a cargo, por parte da Comisión de Festas Santa Mariña, do seu presidente, Adán Montes, Ana Mayo, Brais Fernández e José 'O Rabelo'. Por parte do Concello de Muros, estiveron a alcaldesa en funcións, Laura Rivadeneira, a concelleira de Igualdade, Maruxa Martínez, e o concelleiro de Deportes, Damián Torea.

O Torneo máis bonito do verán galego

A 46ª edición do Campionato de Barrios de Esteiro, o mellor torneo de verán do país, está a piques de rematar. Como nos describen as crónicas das semis de Róber Pladur, estes pasados 9 e de 10 de agosto, nun campo da Salina absolutamente ateigado, Ciclóns e Pentacosta metéronse na finalísima deste venres día 15 (ás 20:00h).

Os dous equipos tiveron que acodir aos penaltis tras empatar a 4 nos respectivos partidos ante Cánchester e Abelleira respectivamente.

PALMARÉS DOS ÚLTIMOS ANOS DO CAMPIONATO DE BARRIOS DE ESTEIRO

2024: Os Ciclóns lévanse o XLV Campionato de Barrios de Esteiro a penaltis contra un gran Cánchester
2023: Cánchester, Campión despois de 32 anos!
2023: O Independiente de Uhia queda por primeira vez en décadas fóra das semis do Campionato de Barrios de Esteiro
2022: O Independiente repite título do Campionato de Barrios tras vencer a penaltis a un brillante Canchester
2019: O Independiente volve reinar no Campionato de Barrios de Esteiro
2018: Os Ciclóns do Maio levan, por segundo ano, o mítico Campionato de Barrios de Esteiro.
2018: Recta final do mítico Torneo de Barrios de Esteiro coas Semis.
2017: Os Ciclóns do Maio, campións do 40 Campionato de Barrios de Esteiro.
2016: O Independiente faise co campionato de Barrios.
2015: Abelleira campións dos Barrios de Esteiro de 2015.
2014: O Independiente, campión do Campionato de Barrios de Esteiro 2014.
2013: O Campionato de Barrios de Esteiro, unha competición singular: Independiente de Uhia faise co título.
2012: Un Ciclón arrasou no Campionato de Barrios de Esteiro.

Etiquetas