Incrible o que acontece na Salina cada 15 de agosto. Centos de persoas ateigan o campo esteirán para a final dun torneo de verán, do mellor torneo de verán do planeta, probablemente. Chegaba ao seu fin, como cada San Roque, o  Campionato de Barrios de Esteiro, que este ano chegaba á súa XLV edición. Si, 45 anos de torneo estival veciñal desta parroquia independente. E o ambiente no Xosé Luís Vara non podía ser mellor, con máis dun milleiro de persoas nas bancadas.

Cánchester, actual campión malia levar 32 anos sen gañar o título, e os Ciclóns do Maio, gañadores da 40ª e 41ª edicións, presentábanse na final tras unha complicada primeira fase e unhas apretadas semis.

Non podía empezar de mellor maneira a contenda, coa agrupación cultural Xeitura amenizou tocando o himno galego ás gaitas.

Foi "un partido de tú a tú", como nos conta Rober Pladur, o eterno pichchi esteirán, xogador dos amarelos, "onde as ocasións de gol máis claras foron para os de Creo, chegando a ter dous goles anulados". O choque tivo que decidirse na tanda de penaltis, e foron os Ciclóns os que non erraron un só lanzamento, destatando a alegría no bando do Maio.

Así foi a primeira fase:

PALMARÉS DOS ÚLTIMOS ANOS DO CAMPIONATO DE BARRIOS DE ESTEIRO

• 2023: Cánchester, Campión despois de 32 anos!
• 2023: O Independiente de Uhia queda por primeira vez en décadas fóra das semis do Campionato de Barrios de Esteiro
• 2022: O Independiente repite título do Campionato de Barrios tras vencer a penaltis a un brillante Canchester
• 2019: O Independiente volve reinar no Campionato de Barrios de Esteiro
• 2018: Os Ciclóns do Maio levan, por segundo ano, o mítico Campionato de Barrios de Esteiro.
• 2018: Recta final do mítico Torneo de Barrios de Esteiro coas Semis.
• 2017: Os Ciclóns do Maio, campións do 40 Campionato de Barrios de Esteiro.
• 2016: O Independiente faise co campionato de Barrios.
• 2015: Abelleira campións dos Barrios de Esteiro de 2015.
• 2014: O Independiente, campión do Campionato de Barrios de Esteiro 2014.
• 2013: O Campionato de Barrios de Esteiro, unha competición singular: Independiente de Uhia faise co título.
• 2012: Un Ciclón arrasou no Campionato de Barrios de Esteiro.