Volveu vivir o Xosé Luís Vara outra tarde de festa futboleira. Este luns 15 de agosto, como é tradición e coincidindo co Carme, celebrouse a finalísima da 43ª edición do Campionato de Barrios de Esteiro, o torneo estival máis bonito case que do país.

Un ambientazo semellante a un partido de liga da Esteira cun milleiro de afeccionados, aderezado en clave champions na saída dos equipos polo himno galego ao son ds gaitas do grupo Xeitura.

Independiente de Uhia e Canchester de Creo enfrontábanse nesta reñida final, repleta de xogadores de enorme calidade. Arrincaba o choque un golazo do mítico Adelino dende 40 metros que adiantaba ao Inde. Pouco despois, Pablo Rama ampliaba a renda con outro tremendo gol tras un tiro que bate na cruceta, recole o rexeite e cruza coa esquerda.
Reaccionaba o Cánchester e Íker recurtaba dende os 11 metros tras un penalti cometido sobre Antón. Quedaban 5 minutos para o descanso cando nunha bonita xogada combinada Antón fai un golazo de tiro cruzado para batir a MJ.

O sejundo tempo foi un toma e daca de ambos equipos, onde a falta de acerto e a presenza dos porteiros, MJ e Vareta, se facía notar. Finalizou o partido 2-2 e todo se decideu nos penaltis. Foi aí onde emerxeu a figura do escollido Mellor Porteiro do Fútbol da Costa. “MJ foi moito MJ” contan as crónicas.

Punto e final así a 43ª edición (si, 43), do torneo de verán máis divertido e entregado da comarca, e probablemente de todo o país.

PALMARÉS DOS ÚLTIMOS ANOS DO CAMPIONATO DE BARRIOS DE ESTEIRO

• 09-08-2022: A tarde-noite do Xosé Luís Vara deixa a finalísima do 43º Campionato de Barrios de Esteiro.
• Xullo 22: Xa temos semifinais do singular Campionato de Barrios de Esteiro.
• 2022: 43º Campionato de Barrios: Esteiro non pecha o campo por verán.
• 2019: O Independiente volve reinar no Campionato de Barrios de Esteiro
• 2018: Os Ciclóns do Maio levan, por segundo ano, o mítico Campionato de Barrios de Esteiro.
• 2018: Recta final do mítico Torneo de Barrios de Esteiro coas Semis.
• 2017: Os Ciclóns do Maio, campións do 40 Campionato de Barrios de Esteiro.
• 2016: O Independiente faise co campionato de Barrios.
• 2015: Abelleira campións dos Barrios de Esteiro de 2015.
• 2014: O Independiente, campión do Campionato de Barrios de Esteiro 2014.
• 2013: O Campionato de Barrios de Esteiro, unha competición singular: Independiente de Uhia faise co título.
• 2012: Un Ciclón arrasou no Campionato de Barrios de Esteiro.