As cubertas do Parador de Lourido xa están verdes Hai un ano retomábanse as obras do Parador de Lourido tras levar 15 meses paralizadas. E a realidade é que o 2017 foi un ano de grandes avances na construción do establecimento hostaleiro chamado a revolucionar o sector turístico da Costa da Morte. Ese establecimento que aporta un valor engadido co que aínda non conta a bisbarra. Pasaron 15 anos dende a promesa institucional, máis de 5 dende o comezo das obras aló por 2012, e moi lonxe quedaron as previsións de rematar o edificio en 2015… Pero parece que a obra afronta a última fase, e fontes achegadas ás obras sinalan que poderían estar rematadas para o verán de 2019, sempre que non haia un novo parón. A día de hoxe a empresa adxudicataria Tragsa está traballando nos interiores, coas divisións dos espazos, habitacións… Pero xa está a estrutura case completamente rematada, aos grands vidros instalados e mesmo xa se poden ver as cubertas verdes instaladas nos teitos que intentan integrar o edificio na colina. Ademais os accesos están en marcha. Imaxe do Parador de Lourido dende arriba Imaxe do Parador de Lourido hai un ano. Hai quen lle chama o Algarrobico galego

Plan Galicia

Cómpre lembrar que o Plan Galicia, do que se cumprían 15 anos, contaba con dúas grandes obras da Costa da Morte, e que aínda están sen rematar. Do Parador de Muxía xa temos falado, e a Autovía da Costa da Morte tampouco ten prazos de finalización.

Novas relacionadas

• Febreiro 2017: Recomezan as obras do Parador tras un perdido 2016
• Agosto 2016: Sen novas do Parador.
• Abril 2016: O Parador de Lourido, sen data de remate.
• Maio 2014: Parador de Muxía: Comezando a segunda fase.
• 16-05-13: Piden a declaración das dunas de Lourido como Espazo Natural de Interese Local.
• 11-04-13: O Parador volve a actualidade cun campo de golf.
• 26-06-12: As obras do Parador de Muxía empezarán o luns.
• 12-04-12: Rueda asegura que o Parador será unha realidade en 2015.
• 23-03-12: O BNG de Muxía denuncia as dobles mentiras de PSOE e PP sobre o Parador.
• 16-03-12: PSOE e BNG moven fichas polo Parador.
• 15-03-12: A oposición política da Costa da Morte únese polo Parador.
• 14-03-12: O Goberno paraliza o Parador de Muxía.
• 14-09-11: Colocada a primeira pedra do Parador de Muxía que estará en funcionamento a finais do 2014.

Fonte

• Redacción de QPC (info@quepasanacosta.com).