Venres. 29.03.2024
El tiempo

Unha marea de preguntas demostra a necesidade de máis Xornadas de Economía Social como a de Santa Comba

Xornada de Economia Social en Santa Comba
Unha marea de preguntas demostra a necesidade de máis Xornadas de Economía Social como a de Santa Comba

Este pasado venres 15 de marzo, o auditorio do Edificio de Servizos Múltipes de Santa Comba acollía unha xornada de Economía Social organizada polo Concello. Máis de 100 asistentes, entre os que se atopaban os alumnos e alumnas dos tres obradoiros de emprego dos que forma parte o Concello, así como aos alumnos do curso AFD de Atención Sociosanitaria e ao público que se achegou, foron recibidos pola alcaldesa María Pose.

A conclusión máis directa que se pode sacar é que polo volumen de preguntas que os asistentes fixeron aos distintos ponentes da xornada, pódese decir que a xornada foi todo un éxito e que existe un interese importante por esta materia na comarca xalleira, unha oportunidade mais de futuro para abrirse paso no mundo laboral.

As ponencias

Xornada de Economia Social en Santa Comba

Comezou a rolda de intervencións Dani Dieguez, técnico da Rede Eusumo, que falou da economía social pero sobre todo da importancia das persoas como centro e motor necesario para que os proxectos funcionen.

A Subdirectora Xeral de Economía e Emprego, Alba Paz, detallou polo miúdo as axudas da Secretaría Xeral de Emprego orientadas a economía Social e, Fernando Rodríguez, coordinador da Rede Galega de Dinamización Xuvenil trasladou aos asistentes os programas que Xuventude pon a disposición dos xoves destacando os Galeuropa e Iniciativa Xove.

Para rematar a xornada, responsables de tres iniciativas emprendedoras, Pastos do Enxilde, Recursos Galicia, e Remendos2014, acompañados pola técnico de formación Cristina Pereira e a directora do Obradoiro Conecta2018, Anabel Piñeiro, contaron polo miúdo a súa experiencia tanto no mundo da economía social como coas novas formas participativas de xestión das empresas.

Comentarios