Noelia Castro presenta a súa novela romántica na casa
Despois da estrea “En brazos de otro amor”, a escritora dumbriesa Noelia Castro xa ten listo a súa segunda novela. “Matrimonio por venganza” presentarase o vindeiro mércores 26 de decembro ás 17:00h no Conco, outra cita para coñecer de primeira man a historia que hai detrás de cada páxina.
A autora cóntanos que se trata doutra “novela romántica contemporánea, que narra a historia de Cristopher e Isabella, pero por un erro do pasado, Cristopher regresa a Londres con intención de vengarse de Isabella. E non hai mellor venganza que volver a namorala para lograr que se case con el, e despreciar o amor da muller que ama. Pero Cristopher descubre un segredo que Isabella ocultaba e eso fara que Cristopher non poda soportar a culpa e intente por todos os medios conseguir o seu perdón”.
Unha novela con paixón dende o corazón da Costa da Morte para o mundo.
