Todas as ondas do mar romperán en Camariñas do 17 ó 19 de agosto co gallo da celebración da feira “Camariñas, o mar todo”, evento que nace do xerme da “Expo Ría” para multiplicar o seu alcance, implicar a todos os veciños do Concello e abranguer desde a gastronomía ata a etnografía, e desde a música ata a artesanía. Un certame poliédrico no que terán sitio todos os aspectos que rodean ó mar, fonte de vida desta localidade da Costa da Morte. O Concello fará entrega dos premios “Mar de Camariñas”, destinados a persoas e institucións con brillantes traxectorias no mundo do mar. E por outra, todos os veciños e os visitantes poderán disfrutar durante as tres xornadas de multitude de actividades: degustacións de productos do mar, rutas mariñas no balandro histórico Joaquin Vieita, obradoiros para nenos e nenas gratuítos tódolos días, música en directo con coros de Carballo, Cesullas e Camariñas, a Lilicleta ou o I Encontro de Danzas Brancas, bandas de gaitas, disco móvil impacto, ruta da tapa mariñeira, teatro na rúa e moitas cousas máis. Tamén estará o GALP Costa da Morte, xunto coas Redeiras Artesás Illa da Estrela de Corme e a empresa de Muxía Elaboraciones Lemar.