Rexistrouse este mediodía de venres un serio accidente en Vimianzo, a altura da Pensión Vázquez (km.67 da AC-552). Unha ambulancia colisionaba cun turismo, provocando a rotura do cárter do vehículo sanitario. 

Dende o 112, deron aviso aos Bombeiros de Cee, que confirmaron que non había persoas atrapadas, Garda Civil, Urxencias sanitarias e  Protección Civil de Vimianzo. 

Non houbo feridos de gravidade, aínda que a condutora do vehículo tivo que ser trasladada ao hospital por unha dor no pescozo.

Foi necesario a limpeza por parte dos Bombeiros, polos restos da defensa e de aceite que se verteron na estrada.