O vindeiro domingo 17 de novembro celebrarase o magosto de Laxe, que pretende por en valor os productos alimenticios locais,ademais de ofrecer un espazo de lecer compartido para pequenos, medianos e maiores.

Deste xeito, a cita terá lugar a partir das 17.30 horas da tarde e ata as 20.30 horas, no Pavillón Polideportivo Municipal de Laxe, xa que tanto as condicións climatolóxicas e os requerimentos técnicos e de espazo impiden a súa realización noutros espacios. Tamén, demais do tradicional reparto de castañas e bebidas entre as persoas asistentes, haberá:

• RINCÓN CON XOGOS para toda a familia.
• INCHABLE.
• OBRADOIROS de demostración dalgunhas das artesanías que serán expostas e das que iremos ofrecendo máis detalles según se vaia aproximando a data.
• MÚSICA AMBIENTAL E FESTIVA EN DIRECTO protagonizada por diferentes agrupacións musicais locais.
• MOSTRA DE ARTESANÍA na que participarán diferentes veciños e veciñas de Laxe, Asociacións municipais e comarcais, así como outras persoas que chegan de concellos veciños da Galiza amosando ó público asistente ás súas habilidades e destrezas na realización de diferentes productos artesanais.