Notas sobre a poboación de Cee (ss. XVI-XX): 18. Os rexistros parroquiais: as Visitas Pastorais

10:48 05/07/11

As Visitas Pastorais que cada poucos anos tiñan lugar, informan ben as claras do pouco celo co que algúns párrocos exercián o seu ministerio. A Visita do ano 1699 á parroquia de Santa María de A Xunqueira é ben explicativa: “Que no omita asientos, ponga claro fecha, día, mes y año; que declare si los bautizados son de legitimo matrimonio. Advierta a los padres y padrinos las obligaciones que contraen con la doctrina cristiana. Cuando otro clérigo lo excuse, que lo diga y firmen todos. Que tenga las partidas curiosas y limpias, sin dejar espacios en blanco entre ellas... Si no lo hace será castigado con la pena de excomunión y diez ducados para la luminaria de la parroquial...

A Visita do ano 1741 é aprobada polo delegado arzobispal pero indicallé ó párroco de Cee que sinale nas partidas o día en que naceu o neno/a e que se deixe constancia das ausencias e dos excusadores. A do ano 1766, insiste, entre outras cousas, “en que se anote la partida en el mismo día”, feito que segui sen cumplirse porque tan só catro anos despois aparecen partidas cronolóxivamente mal postas. Desde logo. A condición social ou económica dos pais do bautizado eran unha garantía de maior cuidado á hora de anota-las partidas. Esta circunstancia tradúcese nunhas partidas máis detalladas, como por exemplo a dun neno bautizado no ano 1689 en Corcubión que o cura de Cee, que actuara de padriño por ser da familia, decide anota-lo no libro de Cee “por si acaso no es asentado en Corcubión”, o que ven a indicar que os propios curas tiñan presente a posibilidade de omisións.

Xa, na Visita do ano 1778 pídese que se poñan nas partidas os nomes, apelidos e veciñanza dos abós...

Normalmente, nos primeiros meses despois da visita parece que se toman en consideración estes avisos, pero pronto se voltará ás andadas, quizáis porque pasaba moito tempo entre que acontecían os actos e o seu posterior asentamento, como xa vimos. É por eso polo que se comproba como cronolóxic

amente se repiten os mesmos mandatos, síntoma de que a melloría no maior coidado dos rexistros é moi lenta. Vexamos algúns exemplos pertencentes á parroquia de Brens, pero que son aplicables a nivel xeral:

“...haviendo reconocido las partidas de bautizados desde la ultima hasta aquí, ante el infraescito Secretario las aprobó S.E. quanto haya lugar en derecho. Pero notó S.E. que en los folios 94 y 102 no se expresan los abuelos; que á los folios 107, 110, 115, 116, 120 y su buelta, 124, 125, 127, 128, 129 y desde este hasta su conclusión no se dice la vecindad de los abuelos; que desde el folio 126 hasta la partida antecedente, no se expresa la iglesia en que se bautiza, y que este libro está por folear desde el 130 en adelante: cuyas faltas mandó S.E. se subsanen y evitan á lo sucesivo”...

Está facendo refrencia a partidas desde 1821 que o cura párroco iría posteriormente corexindo para anotar la veciñanza dos abós. Son bautizados por presbiteros (Bartolomé de Noya, Juan de Ponte), aínda que esto no é disculpa suficiente xa que o cura (Juan de Noya) tamén firmou as partidas, polo que tiña que decatarse previamente destas irregularidades. Na mesma visita, neste caso no libro de difuntos atopamos diversas faltas do mesmo estilo:

“Notando S.E. que la partida antecedente está por concluir, que en varias que se hallan a los folios 30 y 31 no consta que se hayan funerado, mandó se subsanen y eviten a lo sucesivo estas faltas, previniendo se diga en todas si hacen o no testamento, se esprese la iglesia en donde se entierren, y siendo solteros o celibatos digase su estado con espresion de sus respectivos padres”...

Víctor Castiñeira. (vmcastineira[arroba]quepasanacosta.gal)

As parroquias do concello de Cee: notas sobre a a súa poboación

As parroquias do concello de Cee: notas sobre a súa poboación (ss. XVI-XX): 1. O marco xeográfico-xurisdicional de partida.
As parroquias do concello de Cee: notas sobre a súa poboación (ss. XVI-XX): 2. As fontes para o seu estudio no século XVI.
As parroquias do concello de Cee: notas sobre a súa poboación (ss. XVI-XX): 3. O Censo de 1533.
As parroquias do concello de Cee: notas sobre a súa poboación (ss. XVI-XX): 4. 4. O Censo de 1571.
As parroquias do concello de Cee: notas sobre a súa poboación (ss. XVI-XX): 5. O Censo de 1587.
As parroquias do concello de Cee: notas sobre a súa poboación (ss. XVI-XX): 6. O Vecindario de 1587.
As parroquias do concello de Cee: notas sobre a súa poboación (ss. XVI-XX): 7. Análise do Vecindario de 1587.
As parroquias do concello de Cee: notas sobre a súa poboación (ss. XVI-XX): 8. O Censo de 1591 e resumo da evolución no século XVI.
As parroquias do concello de Cee: notas sobre a súa poboación (ss. XVI-XX): 9. O século XVII.
As parroquias do concello de Cee: notas sobre a súa poboación (ss. XVI-XX): 10. O século XVIII e primeiro tercio do XIX.
As parroquias do concello de Cee: notas sobre a súa poboación (ss. XVI-XX): 11. As veciñanzas de 1708.
As parroquias do concello de Cee: notas sobre a súa poboación (ss. XVI-XX): 12. As veciñanzas de 1711 e 1717.
As parroquias do concello de Cee: notas sobre a súa poboación (ss. XVI-XX): 13. Cee na segunda metade do século XVIII.
As parroquias do concello de Cee: notas sobre a súa poboación (ss. XVI-XX): 14. Cee no primeiro tercio do século XIX.
As parroquias do concello de Cee: notas sobre a súa poboación (ss. XVI-XX): 15. A evolución da poboación a través dos rexistros parroquiais (1600-1860).
As parroquias do concello de Cee: notas sobre a a súa poboación (ss. XVI-XX): 16. Os rexistros parroquiais: as faltas de carácter accidental.
As parroquias do concello de Cee: notas sobre a a súa poboación (ss. XVI-XX): 17. Os rexistros parroquiais: as faltas de carácter sistemático.