Un home e unha menor de idade resultaron feridos este mediodía de xoves tras sufrir un accidente de moto no Monte do Carme, en Carballo.
As vítimas foron trasladadas ao PAC dende onde se alertou ao 112, que mobilizou á Policía Local, Garda Civil, Protección Civil e unha ambulancia e o Helicóptero Medicalizado de Urxencias Sanitaria. Unha vez no PAC, e tras ser atendidos por profesionais sanitarios, foron trasladados ao CHUAC. O home está ingresado na UCI con prognóstico grave.