Venres. 29.03.2024
El tiempo

Case 100 adestradores titulados en dous anos na Costa

Case 100 adestradores titulados en dous anos na Costa
Imaxe da cea de despedida do curso de adestrador en Carballo

Preto de 100 adestradores titulados ten xa o fútbol da Costa para a vindeira tempada 2015-16 logo dos tres cursos de monitor celebrados nestes dous anos e o curso de nivel 1 celebrado nesta tempada en Carballo.

Si na pasada campaña 2013-14 houbo dous cursos de monitor de fútbol basee, convocados pola Escola Galega de Adestradores de Fútbol, dependente da Federación Galega de Fútbol, celebrados en Dumbría (con 25 asistentes) e Santa Comba (onde foron 20 os inscritos), na tempada que finaliza o 30 deste mes, foron outros dous cursos os celebrados.

En primeiro lugar, o curso de adestrador nivel 1 (onde os aprobados alcanzarán o título que lles habilitará para poder dirixir equipos desde Xuvenís a Fútbol 8, celebrado en Carballo, e que se clausurou días pasados cos exames das tres últimas asignaturas do curso, con 19 inscritos.

E, desde finais de abril, o curso de monitor que se está desenvolvendo en Fisterra, con 30 participantes, e que se clausurará o xoves día 25 de xuño. Un total de 94 novos técnicos dos que poderán gozar os equipos da Costa para dirixir aos seus equipos a partir da tempada 2015-16, onde xa esixirán que os adestradores de base teñan, como mínimo, a titulación de monitor. Un traballo moi serio o realizado por todos os asistentes aos cursos convocados e organizados pola Escola Galega de Adestradores, con nove asignaturas que tiveron que preparar e, no caso dos aspirantes ao nivel 1, examinarse, con notable éxito en xeral.

Corredoira recibiu unha placa dos seus alumnos

Agora, a esperar as novas convocatorias, que xa empezan a saír, de cara aos niveis 1 e 2, que posiblemente se celebren na sé de Carballo, que a Escola desexa que sexa permanente, pero, como en todo, depende do número de inscritos na mesma, que nunca pode ser inferior a 15 alumnos.

Os alumnos tiveron que preparar as asignaturas de Táctica, Técnica, Psicología, Dirección deEquipos, Preparación Física, Metodoloxía, Sociología, Reglamentación, Regras de Xogo e Medicina Deportiva, impartidas por técnicos especialistas e co título de nivel 3 (Adestrador Superior de Fútbol), dirixidos por Manuel Mosquera, director da Escola Galega de Adestradores, con quen escribe como coordinador na zona e profesor de Táctica, Dirección de Equipos e Reglamentación. Con ambos, formaron o cadro de profesores José Manuel Vázquez (Huelvis), que impartiu técnica; Félix García Raposo (Medicina Deportiva); Natalia García Raposo (Psicología, sociología e Dirección de Equipos), Claudio Corbillón (Preparación Física) e Xabier Rodríguez Campos (Regras de Xogo). Esperemos que sigan prodigándose estes cursos para potenciar, aínda máis si cabo, o fútbol da Costa a todos os niveis.

  • Manuel A. González Corredoira, Entrenador Nacional Nivel 3 de Fútbol e Director Deportivo pola RFEF, e actual Director da Escola de Fútbol Base do X.S.C..

Máis artigos de Corredoira

A pipa de Corredoira

Novas relacionadas

Fonte

Comentarios