Estreábase onte un novo programa en La2. Rutas Bizarras trata de ser unha especie de programa de viaxes, desubrindo lugares singulares, saídonse dos tópicos, e sempre dende o humor. Para iso, quen mellor que Xosé A. Touriñán, que acompaña a Marta Hazas nesta aventura televisiva.

O seu primeiro programa, gravado xa o pasado mes de xuño, tróuxoos a Galicia, á Costa da Morte. Arrincaba en Muxía, nas Pedras da Barca con Pepe Formoso e o veciño Manuel Jesús Suerra.

Pasou polo Cemiterio esquecido de Fisterra de César Portela, onde o noso Ubaldo Cerqueiro explicou a súa historia e onde o hosteleiro David Traba explicou o sentir da veciñanza.

De contado achegáronse a Camelle, para visitar o Museo de Man gracias a Andrea Serodio, e para coñecer un pouco máis como era o Alemán de Camelle da man da súa amiga Conchita.

Aínda tiveron tempo para achegarse polo Couto para coñecer o mural que Yoseba MP lle ten dedicado a Nieves.

Dende logo, un fermoso espazo para que a Costa da Morte luza así de ben, ante, nada menos, que 459.000 espectadores, obtendo un 2,7% de cota de pantalla.