"Coma se as malleiras, asoballamentos, coaccións, ameazas e asasinatos non fosen dabondo contra o que loitar, a perversidade machista última é asasinar as súas propias crianzas, as que tiveron coas súas parellas ou ex parellas e as que arrebatarán a vida para que elas sufran unha dor que saben será eterna. Nenos e nenas convertidos en instrumentos para que o machismo poida ferir onde máis doe. Para que poida dar o golpe definitivo a anos de sufrimento e sometemento. Vén de acontecer ao noso carón, nunha localidade preto de A Coruña onde Javier, aos seus once anos e no retorcemento máis psicópata, era asasinado polo seu pai no mesmo Día da Nai e abandoado no monte coma ningunha alimaña o fai cos seus cachorros. Pero antes del houbo outros: catro exactamente no que vai de ano. Un por cada mes que levamos de 2017. Cinco inocentes vítimas do machismo pero tamén da desprotección institucional; da mesma que obriga a fillos e fillas a cumprir réximes de visitas con eses pais que en moitos casos levan toda a vida vendo maltratar a súa nai, que foron condeados pero que aínda así desfrutan dos seus dereitos en detrimento da seguridade dos menores.

En Buserana nunca nos fartaremos de erguer a voz, a protesta, de chamar á loita e ao compromiso dende todos os frentes porque o machismo nunca deixa de ser actualidade. Estamos cansas de ser portada de medios sesgados que lamentan que "morramos" ou sexamos vítimas de "sucesos desafortunados", coma se ser asasinada pola parella que non se resigna a que non queiras seguir con el, ou enfrortarte ao asasinato das túas crianzas a mans do seu propio pai fose algo aleatorio, algo coma cruzar a rúa e que te atropelle un coche. E non é. Por iso mesmo a complicidade dos medios co machismo só consegue alentalo, desculpalo e convertir á vítima en verdugo. Mesmo cando teñen doce, once, oito, cinco e un ano. Os cinco nenos e nenas que o machismo nos arrebatou a todas. Por iso Buserana pide a implicación institucional, cidadá é mediática para que o machismo non sexa nunca máis actualidade. Non basta con ter coidado... o machismo mata. Súmate a combáteo!".

Novas relacionadas

• A Buserana critica a publicación do artigo “Víctimas de su sexismo”
• A Buserana lamenta os últimos tres asasinatos machistas
• #25N: Erradicando a violencia de xénero.
• A fisterrá Lucía Costa fai unha rapsodia fotográfica á muller.
• #25N: Os estudantes súmanse á loita contra a violencia de xénero.
• #25N: A Buserana volve saír á rúa contra a violencia de xénero
• #25N: A loita contra a violencia de xénero dende os escaparates.
• Máis de cen establecementos de Zas tinguiranse de negro para loitar contra a violencia machista
• Carballo e Zas súmanse á campaña “En negro contra a violencia”
• /a-buserana-rexeita-as-ofertas-de-emprego-sexistas/.
• O día da Muller deixa poucas celebracións e moitas reclamacións na Costa da Morte.
• O Día da Muller, esa data que non debería existir
• I Gala Solidaria do Día da Muller: Implicadas en que o Día da Muller non sexa unha efeméride.
• 29-01-16: Basta Xa! Berremos ata que non haia máis violencia contra as mulleres.
• As Buseranas alzan a voz contra o machismo tras un verán negro.
• A Buserana alza a voz contra a Violencia de Xénero e critica que non se trate como asunto político prioritario.
• A Costa da Morte segue tecendo redes pola igualdade real da Muller.
• Un percorrido pola historia, dende Muxía, en clave feminina.
• Buserana cumple 15 anos loitando polos dereitos da Muller.
• Buserana pide un Rincón Violeta na nova Biblioteca de Cee.
• 25-11-16: #25N: Malpica plántalle cara á violencia de xénero cun lipdub

Fonte

• Redacción QPC (info@quepasanacosta.com)