Sábado. 27.04.2024
El tiempo

773.000€ para unha nova senda peonil en Cabana

DP 1406 Neaño Ao Allo
773.000€ para unha nova senda peonil en Cabana

Importante investimento provincial nunha estrada de Cabana de Bergantiños. A Deputación da Coruña vén adxudicar por 773.498 euros as obras de mellora da seguridade vial na estrada provincial DP-1406, no tramo que vai de Neaño ao Allo, pasando por Cesullas.

As obras consisten na execución dunha senda de dous metros de ancho que discorrerá pola marxe dereita da estrada, entre os PQ 0+680 e PQ 1+900, e na ampliación da plataforma ata conseguir dous carrís de 3,5 metros e beiravías de 0,5 metros, salvo na zona na que se executan os muros, na cal a beiravía da marxe esquerda terá un ancho de 1 metro.

Para levar a cabo esta actuación vanse levar a cabo os movementos de terras previos, colocarase unha capa de xabre e regularase o firme, colocarase un muro de dique renovaranse as infraestruturas para a drenaxe de auga. Por último colocarase unha nova sinalización vertical, horizontal e incluirase un balizamento ao largo do percorrido, xunto cunha separación do carril a través dunha banda lonxitudinal con ollos de gato.
As expropiacións dos terreos necesarios para a execución dos traballos xa foron realizadas e supuxeron un investimento de 88.605 euros. As obras comezarán nas vindeiras semanas.

Comentarios