Axentes da Agrupación de Tráfico da Garda Civil de Corcubión, no transcurso dun servizo de control do tráfico realizado onte na estrada AC-552, ao seu paso por Cabana de Bergantiños, deron o alto a un turismo no que viaxaban dous homes, de 33 e 24 anos, veciños de Vimianzo e Camariñas, respectivamente. Tras requirir aos ocupantes para que se apeasen do coche, os gardas efectuaron un rexistro superficial do interior do mesmo e lograron incautarse dunhas 400 doses de marihuana.

Tanto os detidos, aos que se lles imputa un delito contra a saúde pública, como a droga intervida foron postos a disposición do Xulgado de Instrución Número Dous de Carballo.

Investigan a unha muller por malos tratos animais en Outes

Axentes da Garda Civil de Noia, adscritos ao SEPRONA, investigan a unha veciña da localidade de Outes por un suposto delito de malos tratos animais (abandono) polo lamentable estado no que se atopa un can da súa propiedade. O animal, un cruzamento de mastín, de entre un cinco ou seis anos, presenta unha enfermidade contaxiosa diagnosticada como Sarna Sarcóptica, ademais, a parte de que está extremadamente desnutrido, está cheo de garrapatas e presenta lesións dérmicas por todo o corpo, segundo reza no informe veterinario. Segundo o mesmo informe, estas lesións e cadro sintomático “menoscaban gravemente a vida e saúde do animal”.Os feitos foron postos en coñecemento do Xulgado de Instrución Uno de Muros.

Fonte

• Garda Civil.