”O que estamos facendo na Deputación é revolucionario”, dicíanos a semana pasada Xosé Regueira, focalizando as súas palabras no Plan Único dos Concellos POS+2017. Un plan que permite que os Concellos teñan máis autonomía, que se simplifiquen os trámites, e que permite acabar coa discrecionalidade política pois os Concellos saberán canto van percibir e poderán facer previsións de gastos.

Así, dende a pasada semana os concellos, e todos os veciños, saben cantos fondos van percibir cada Concello. A través do Portal de Transparencia da Deputación, calquera persoa interesada pode acceder ás bases do plan, aos datos económicos de distribución dos fondos por municipios e a unha presentación na que se explica, paso a paso, o funcionamento do Plan, as diferentes liñas de achegas económicas que inclúe e a qué se poden destinar os fondos de cada unha delas: pago a provedores, gasto corrente, amortización de débeda ou realización de obras e outros investimentos.

Tamén se informa aos municipios das 11 liñas de subvencións cuxos fondos se integran no Plan Único (entre elas as subvencións de deportes, cultura, turismo destinadas aos concellos)

A información inclúe ademáis os prazos de tramitación do POS+ 2017, que como todos os programas provinciais realizarase de forma telemática, a través da plataforma SUBTEL da Deputación. A presentación de solicitudes por parte dos concellos estará aberta ata o 24 de febreiro de 2017, a aprobación dos proxectos terá lugar no mes de xuño e a contratación ata o 30 de novembro de 2017, aínda que este prazo é prorrogable.

Lista de Achegas provinciais

Os Concellos da Costa recibirán arredor dos 14 millóns de euros.

Concello	Achega Provincial 2017	Achega Provincial 2016	Préstamo 2017	Total POS+ 2017
Cabana	31.200	192.150	206.550	710.950
Camariñas	232.435	143.000	153.700	527.238
Carballo	888.143	546.549	587.540	2.022.233
Carnota	243.150	149.639	160.853	553.634
Cee	283.535	174.483	187.569	645.587
Corcubión	96.935	59.652	64.126	220.713
Coristanco	430.573	264.968	284.841	980.383
Dumbría	318.580	196.049	210.753	725.382
Fisterra	182.066	112.041	120.44	414.552
Laxe	182.779	112.479	12.915	416.175
Malpica	265.556	163.419	175.675	604.651
Mazaricos	449.029	276.325	297.050	1.022.405
Muros	330.880	203.619	218.890	753.390
Muxía	374.134	230.236	247.504	851.875
Ponteceso	344.480	211.988	227.887	784.356
Santa Comba	579.819	356.811	383.572	1.320.203
Vimianzo	508.184	312.728	336.183	1.157.097
Zas	401.437	247.038	265.566	914.043

  


  
 

Máis información

A información está dispoñible nos seguintes enderezos web:

• www.dacoruna.gal/plans.
• Presentación do Plan POS+ [pdf].

Novas relacionadas

• Xosé Regueira: “O que estamos facendo na Deputación é revolucionario”.
• O Plan Único da Deputación dota de máis autonomía aos Concellos.

Fonte

• Redacción de QPC (info@quepasanacosta.com).