Venres. 29.03.2024
El tiempo

Camariñas busca 50 novas familias que se sumen ao programa de compostaxe doméstica

Camariñas busca 50 novas familias que se sumen ao programa de compostaxe doméstica
O concello de Camariñas vén de facer un novo chamamento á veciñanza para que se sumen á campaña de compostaxe doméstica. Este é un programa posto en marcha hai xa tres anos e no que participan 180 familias do municipio. Nesta nova convocatoria ábrense 50 novas prazas e os únicos requisitos son ter un pequeno terreo no que poder compostar os residuos orgánicos e ser veciño de Camariñas. Este tipo de campañas contribúen a un beneficio ambiental para o concello reducindo os desprazamentos destes residuos á pranta de reciclaxe correspondente e reducción as emisións de gases de efecto invernadoiro e, por tanto, freando o cambio climático. Para a realización deste proxecto, o concello de Camariñas conta coa axuda da organización Amigos da Terra especialmente nas tarefas de formación, seguimento e avaliación dos participantes. O proxecto, que forma parte das actividades de concienciación ambiental financiado pola Xunta de Galicia co Fondo de Compensación Ambiental, arrancou hoxe coa súa apertura da fase de solicitude de participantes. Todas as persoas que o desexen poden inscribirse chamando ao 981 737 004 ou dirixíndose á casa de Pedra. Selección das familias Unha vez seleccionadas as 50 familias participantes terá lugar a súa formación e un período de seguimento personalizado por parte das técnicas de Amigos da Terra, que acompañarán a estas familias ao longo do proceso a fin de resolver dúbidas e solucionar problemas, capacitándoas para que elas soas continúen o proceso. Ademáis a cada familia seleccionada daráselle un composteiro e formación durante o tempo que dure o proxecto. O único requisito para formar parte deste programa é, ser veciño do concello de Camariñas, ter un pequeno xardín ou terreo e estar disposto e motivado a formar parte deste proxecto educativo e formativo. Realizarase unha selección das 50 primeiras persoas que cumpran estes requisitos para esta primeira fase, e as que queden fora, quedarán nunha lista de espera para as seguintes edicións. As persoas que forman parte da lista de espera do último programa non teñen que volver a apuntar, son as primeiras en entrar.   Novas relacionadas   Fonte  

Comentarios