Os voluntarios de Mar de Fabula faran unha recollida dos plasticos que devolve o mar na praia do Lago A asocación ecoloxista Mar de Fábula organiza para o vindeiro sábado, 16 de xaneiro, unha xornada de limpeza na praia do Lago, en Camariñas. A cita, á que están convocados todos os voluntarios que desexen participar, comeza ás 11 horas. Con esta actividade, Mar de Fábula pretende concienciar á poboación sobre os principais desafíos da humanidade que segundo o programa do medioambiente das Nacións Unidas son o cambio climático, a acidificación dos océanos, a pérdida de biodiversidade e a acumulación de plásticos no mar. Desta forma, a entidade ecoloxista promove pequenas accións a nivel local coas que se contribúen a resolver os grandes problemas a nivel global "por iso queremos seguir facendo o que está ao alcance das nosas mans: retirar os plásticos do mar", indican dende Mar de Fábula. Para levar a cabo a actividade de limpeza do vindeiro sábado, contan co soporte loxístico do concello de Camariñas.   Novas relacionadas

• O impacto ambiental dos bastóns de algodón
• Mar de Fábula e as mariscadoras recuperan a enseada da Basa
• Os voluntarios de Mar de Fábula curan a ferida plástica do Coído de Touriñán
• Mar de Fábula prantexa unha limpeza ecolóxica para recuperar a dignidade do Coído de Touriñán
• Unha fábula moi ecolóxica.
• A Costa móllase polas súas praias.
• A veciñanza salva os areais.
• Limpeza Simultánea 2013: Limpando praias e conciencias.
• Plásticos que invanden areais.
• Loitando contra a invasión do plástico.
• Crebas en forma de tartaruga e chapapote en Fisterra.

Fonte

• Redacción QPC ([email protected])
• Mar de Fabula